റിയാദ്; മക്കയിലുള്ള മസ്ജിദ് അല്‍ ഹറാം എന്നറിയപ്പെടുന്ന ഗ്രാന്‍ഡ് മോസ്‌കിന്റെ മുകളിലത്തെ നിലയില്‍ നിന്ന് ഒരാള്‍ ചാടിയ സംഭവത്തില്‍ ഗ്രാന്‍ഡ് മോസ്‌കിന്റെ സുരക്ഷാ സേന പ്രതികരിച്ചു. ചൊവ്വാഴ്ചയായിരുന്നു സംഭവം. വീഴ്ചയില്‍ ആള്‍ നിലത്ത് വീഴുന്നത് തടയാന്‍ ശ്രമിക്കുന്നതിനിടെ ഒരു സുരക്ഷാ ഉദ്യോഗസ്ഥന് പരിക്കേറ്റതായും സേന അറിയിച്ചു. ആവശ്യമായ വൈദ്യസഹായം ലഭിക്കുന്നതിനായി വ്യക്തിയെയും പരിക്കേറ്റ ഉദ്യോഗസ്ഥനെയും ആശുപത്രിയിലേക്ക് മാറ്റിയിട്ടുണ്ടെന്നും നിയമ നടപടിക്രമങ്ങള്‍ പൂര്‍ത്തിയാക്കുകയാണെന്നും അധികൃതര്‍ അറിയിച്ചു.
തീര്‍ത്ഥാടകര്‍ നിയമങ്ങളും നിര്‍ദ്ദേശങ്ങളും പാലിക്കണമെന്നും സ്ഥലത്തിന്റെ പവിത്രതയെ ബഹുമാനിക്കണമെന്നും ഇസ്ലാമിക മര്യാദകള്‍ പാലിക്കണമെന്നും ഗ്രാന്‍ഡ് മോസ്‌കിലെ ചീഫ് ഇമാം ഷെയ്ഖ് ഡോ. അബ്ദുര്‍ റഹ്മാന്‍ അസ് സുദൈസ് പ്രതികരിച്ചു.

A security officer was injured at the Grand Mosque in Makkah while attempting to intervene during a fall involving a man jumping from the upper levels. Both individuals have been hospitalized, and legal procedures are currently underway.