കണ്ണൂർ: വിവാദമായ ഫസൽ വധക്കേസിലെ എട്ടാം പ്രതിയും സിപിഎം നേതാവുമായ കാരായി ചന്ദ്രശേഖരനെ തലശ്ശേരി നഗരസഭയുടെ അമരത്ത് വീണ്ടും തെരഞ്ഞെടുത്തു. കേസിലെ വിധി പുറത്തുവരാനിരിക്കെ, ക്രിമിനൽ പശ്ചാത്തലമുള്ള വ്യക്തിയെ നഗരസഭാ അധ്യക്ഷനാക്കിയ സിപിഎം നടപടി വലിയ രാഷ്ട്രീയ വിവാദങ്ങൾക്ക് തിരി കൊളുത്തിയിരിക്കുകയാണ്.

ALSO READ: സംസ്ഥാനത്തെ 72 സർക്കാർ ആശുപത്രികളിൽ 202 പുതിയ ഡോക്ടർമാർ: സ്പെഷ്യാലിറ്റി ചികിത്സ ഇനി താലൂക്ക് തലത്തിലും

53 അംഗ കൗൺസിലിൽ 32 വോട്ടുകൾ നേടിയാണ് ചന്ദ്രശേഖരൻ തിരഞ്ഞെടുക്കപ്പെട്ടത്. കേസിൽ ഗൂഢാലോചന കുറ്റം ചുമത്തപ്പെട്ട് 2013 മുതൽ ജാമ്യത്തിൽ കഴിയുകയായിരുന്നു ഇദ്ദേഹം. ഫസൽ വധക്കേസിൽ സിബിഐ അന്വേഷണം പൂർത്തിയാക്കി വിധി വരാനിരിക്കുന്ന നിർണ്ണായക ഘട്ടത്തിലാണ് സിപിഎം ഈ നീക്കം നടത്തിയത്. നിയമവ്യവസ്ഥയോടുള്ള വെല്ലുവിളിയാണിതെന്ന ആരോപണം ശക്തമാണ്.

2015-ലും ചന്ദ്രശേഖരൻ അധ്യക്ഷനായി തിരഞ്ഞെടുക്കപ്പെട്ടിരുന്നെങ്കിലും ജാമ്യവ്യവസ്ഥ പ്രകാരം ജില്ലയിൽ പ്രവേശിക്കാൻ അനുവാദമില്ലാത്തതിനാൽ എറണാകുളത്ത് കഴിയേണ്ടി വന്നിരുന്നു. അന്ന് കൗൺസിലിൽ പങ്കെടുക്കാൻ കഴിയാതെ വന്നതോടെ പദവി രാജിവെക്കുകയായിരുന്നു.

ALSO READ: കാസർകോട് തോക്ക് വൃത്തിയാക്കുന്നതിനിടെ അബദ്ധത്തിൽ വെടിയേറ്റ് യുവാവിന് പരുക്ക്‌

ഒരു സിപിഎം പ്രവർത്തകനെ വധിക്കാൻ ശ്രമിച്ച കേസിൽ ജയിലിൽ കഴിയുന്ന ബിജെപി കൗൺസിലർ പ്രശാന്ത് വോട്ടെടുപ്പിൽ പങ്കെടുക്കാൻ എത്തിയില്ല. പയ്യന്നൂർ നഗരസഭയിലെ സമാനമായ ക്രിമിനൽ കേസുകളിൽ പ്രതികളായ കൗൺസിലർമാരുടെ വിവരങ്ങളും ചർച്ചയാകുന്നുണ്ട്.

കൊലക്കേസ് പ്രതികളെ ജനപ്രതിനിധികളാക്കുകയും ഭരണസിരാകേന്ദ്രങ്ങളിൽ പ്രതിഷ്ഠിക്കുകയും ചെയ്യുന്നത് ജനാധിപത്യ മൂല്യങ്ങളെ തകർക്കുന്നതാണെന്നാണ് പ്രതിപക്ഷ പാർട്ടികളുടെ നിലപാട്. ക്രിമിനൽ കേസ് പ്രതികൾക്ക് നിയമസഭാ-നഗരസഭാ അധ്യക്ഷ സ്ഥാനങ്ങൾ നൽകുന്നതിലൂടെ സിപിഎം എന്ത് സന്ദേശമാണ് നൽകുന്നതെന്ന ചോദ്യം ഉയരുന്നുണ്ട്.

In a controversial move, the CPM has appointed Karayi Chandrasekharan, the eighth accused in the Fazal murder case, as the Chairman of Thalassery Municipality. Despite being out on bail and facing conspiracy charges in the CBI-investigated case, Chandrasekharan secured 32 votes in the 53-member council. This decision has sparked criticism as it comes just before the final court verdict, mirroring a similar situation in 2015 when he had to resign due to bail restrictions preventing his entry into the district.