ദുബൈ: ദുബൈയിലെ പ്രശസ്ത വിനോദസഞ്ചാര കേന്ദ്രങ്ങളായ ഗ്ലോബൽ വില്ലേജ്, മിറക്കിൾ ഗാർഡൻ എന്നിവിടങ്ങളിലേക്ക് ബസ് മാർഗ്ഗം യാത്ര ചെയ്യുന്നവർക്കായി പുതിയ നിർദേശങ്ങൾ പുറത്തിറക്കിയിരിക്കുകയാണ് ദുബൈ റോഡ് ട്രാൻസ്‌പോർട്ട് അതോറിറ്റി (RTA). യാത്ര ആരംഭിക്കുന്നതിന് മുമ്പ് യാത്രക്കാർ തങ്ങളുടെ നോൾ കാർഡ് സ്റ്റാറ്റസ് പരിശോധിക്കണമെന്ന് അധികൃതർ അഭ്യർത്ഥിച്ചു

പ്രധാന നിർദേശങ്ങൾ:

സിൽവർ, ഗോൾഡ് കാർഡുകൾ മാത്രം: ഈ സ്ഥലങ്ങളിലേക്കുള്ള ബസ് സർവിസുകളിൽ സിൽവർ (Silver) അല്ലെങ്കിൽ ഗോൾഡ് (Gold) നോൾ കാർഡുകൾ മാത്രമേ സ്വീകരിക്കുകയുള്ളൂ.

ALSO READ: ഭിന്നശേഷിക്കാർക്കെതിരായ അതിക്രമം: ഒമാനിൽ ഇനി തടവും വൻതുക പിഴയും

റെഡ് ടിക്കറ്റും മന്തിലി പാസും പറ്റില്ല: നോൾ റെഡ് ടിക്കറ്റുകളോ (Red Ticket), മന്തിലി പാസുകളോ (Monthly Pass) ഈ റൂട്ടുകളിൽ ഉപയോഗിക്കാൻ കഴിയില്ലെന്ന് അധികൃതർ വ്യക്തമാക്കി.

ബാലൻസ് മുൻകൂട്ടി പരിശോധിക്കുക: യാത്രാ തടസ്സങ്ങൾ ഒഴിവാക്കാൻ കാർഡിൽ മടക്കയാത്രയ്ക്കുള്ള പണം കൂടി ഉണ്ടെന്ന് ഉറപ്പുവരുത്തണം.

പൊതുഗതാഗതം ഉപയോഗിക്കുക: തിരക്കുള്ള സമയങ്ങളിൽ ഗതാഗതക്കുരുക്ക് ഒഴിവാക്കാൻ പൊതുഗതാഗത സംവിധാനങ്ങൾ പ്രയോജനപ്പെടുത്തുന്നത് യാത്ര കൂടുതൽ സുഗമമാക്കാൻ സഹായിക്കും.

സന്ദർശകരുടെ തിരക്ക് വർധിക്കുന്ന സാഹചര്യത്തിൽ യാത്ര സുഗമമാക്കുന്നതിനാണ് ആർടിഎ ഇത്തരം നിർദ്ദേശങ്ങൾ നൽകിയിരിക്കുന്നത്.

Dubai's Roads and Transport Authority (RTA) has issued guidelines for visitors traveling to Global Village and Dubai Miracle Garden by bus, emphasizing the use of valid Silver or Gold nol cards and sufficient balance for return trips.