ഗസ്സ സിറ്റി: റോഡരികില്‍ നിന്ന് നിസ്‌കരിക്കുകയായിരുന്ന യുവാവിന്റെ നേരെ വാഹനം ഓടിച്ചുകയറ്റി ഇസ്രാഈലി കുടിയേറ്റക്കാരനായ റിസര്‍വ് സൈനികന്‍. ആക്രമണത്തില്‍ ഫലസ്തീന്‍ യുവാവിന് ഇരുകാലുകള്‍ക്കും പരിക്കേറ്റു. സംഭവം വെസ്റ്റ് ബാങ്കില്‍. അധിനിവേശ വെസ്റ്റ്ബാങ്കിലെ റോഡരികിലായിരുന്നു സംഭവം നടന്നത്.  

സംഭവത്തിന്റെ വിഡിയോ ദൃശ്യങ്ങള്‍ പുറത്തുവന്നതിന് പിന്നാലെ വ്യാപക പ്രതിഷേധമാണ് ഉയരുന്നത്. സംഭവം നടക്കുമ്പോള്‍ ഇസ്രാഈല്‍ സൈനികന്‍ യൂണിഫോം ധരിച്ചിരുന്നില്ല. എന്നാല്‍ ഇദ്ദേഹത്തിന്റെ പക്കല്‍ തോക്കുണ്ടായിരുന്നു. 
നമസ്‌കരിക്കുന്ന ഫലസ്തീന്‍ യുവാവിന് മുകളിലൂടെ തോക്കുധാരിയായ ഇസ്രാഈലി കുടിയേറ്റക്കാരന്‍ ചെറു ആള്‍ ടെറൈന്‍ വാഹനം(എടിവി) ഇടിച്ചു കയറ്റുകയായിരുന്നു. തുടര്‍ന്ന് വാഹനത്തില്‍ നിന്നിറങ്ങിയ അക്രമി യുവാവിനോട് ഇവിടം വിട്ടു പോകണമെന്ന് ആക്രോശിക്കുകയും ചെയ്തു. 

 ALSO READ: ബെംഗളൂരു വിമാനത്താവളത്തില്‍ പിക്കപ്പ് നിയമം മാറ്റി; സൗജന്യ പാര്‍ക്കിങ് 15 മിനിറ്റാക്കി ഉയര്‍ത്തി

കഴിഞ്ഞ ദിവസമാണ് സംഭവം നടന്നത്. പിന്നീട് ഫലസ്തീന്‍ ടെലിവിഷന്‍ ഇതിന്റെ വിഡിയോ ദൃശ്യം പുറത്തുവിട്ടതോടെയാണ് പ്രതിഷേധം ഉയര്‍ന്നത്. വെസ്റ്റ് ബാങ്കില്‍ ഫലസ്തീനികള്‍ക്കെതിരെ ഇസ്രാഈല്‍ സൈനികരുടെ അതിക്രമത്തിന്റെ ഏറ്റവും പുതിയ തെളിവുകളിലൊന്നാണിത്. സംഭവത്തിന്റെ വിഡിയോ ദൃശ്യങ്ങള്‍ സമൂഹമാധ്യമങ്ങളില്‍ വ്യാപകമായി പ്രചരിക്കുന്നുണ്ട്. സംഭവത്തില്‍ ഇതുവരെ അറസ്‌റ്റൊന്നും ഉണ്ടായിട്ടില്ല. അക്രമി ഇസ്രാഈലി റിസര്‍വ് സൈനികനാണെന്ന് ഈസ്രാഈല്‍ സൈന്യം സ്ഥിരീകരിച്ചു.

A Palestinian youth was seriously injured in both legs after an Israeli settler, later identified as a reserve soldier, allegedly rammed an all-terrain vehicle into him while he was praying by the roadside in the occupied West Bank, sparking widespread outrage after video footage of the incident surfaced, with no arrests made so far.