കൊച്ചി: 15 വയസുള്ള ബാലികയെ ലൈംഗികമായി പീഡിപ്പിക്കുവാന്‍ ശ്രമിച്ച സിനിമാ - സീരിയല്‍ കാമറമാനായ ചേരാനെല്ലൂര്‍ സ്വദേശി പള്ളത്തുപറമ്പില്‍ ഷിബു(39) വിനെ ചേരാനെല്ലൂര്‍ പൊലിസ് അറസ്റ്റ് ചെയ്തു.
2015 ഡിസംബര്‍ മാസത്തില്‍ പെണ്‍കുട്ടി വീട്ടിലിരുന്ന് മൊബൈലില്‍ ഗെയിം കളിക്കുന്ന സമയം പെണ്‍കുട്ടിയുടെ അച്ഛന്റെയും ഇളച്ഛന്‍മാരുടെയും കൂട്ടുകാരനായ പ്രതി പെണ്‍കുട്ടിയുടെ അടുത്ത് വന്നിരുന്ന പെണ്‍കുട്ടിയെ കയറിപ്പിടിക്കുകയും അശ്ലീലമായി സംസാരിക്കുകയും ചെയ്ത സംഭവത്തിനാണ് പ്രതിയെ അറസ്റ്റ് ചെയ്തത്.
ചേരാനെല്ലൂര്‍ പൊലിസ് സ്റ്റേഷന്‍ സബ് ഇന്‍സ്‌പെക്ടര്‍ വിബിന്‍ ദാസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് എസ്.ഐയും സംഘവും പ്രതിയെ അറസ്റ്റ് ചെയ്തത്.