കാക്കനാട്: വര്‍ഷങ്ങളോളമായി ചിതലെടുത്തും തുരുമ്പെടുത്തും പ്രവര്‍ത്തന രഹിതമായി കിടക്കുന്ന കലക്ടറേറ്റിലെ പഴയ ബ്ലോക്കിലെ മൂന്ന് ലിഫ്റ്റുകളില്‍ രണ്ട് ലിഫ്റ്റുകള്‍ മാറ്റി സ്ഥാപിക്കും. പുതിയ ലിഫ്റ്റിനു 55 ലക്ഷം രൂപയാണ് നിര്‍മാണച്ചിലവ്. ടെന്‍ഡര്‍ വഴി ഹൈദ്രബാദിലെ ഒമേഗ എലിവെറ്റേഴ്‌സ് ഗ്രൂപ്പാണ് രണ്ട് ലിഫ്റ്റിന്റേയും നിര്‍മാണം എടുത്തിരിക്കുന്നത്. പുതിയ ലിഫ്റ്റിനു വേണ്ട ഭൂരിഭാഗം സാമഗ്രഹികള്‍ കലക്ട്രേറ്റില്‍ എത്തിക്കഴിഞ്ഞു. പഴയ ലിഫ്റ്റുകള്‍ നീക്കം ചെയ്യല്‍ ജോലി അടുത്തമാസം ആദ്യത്തോടെ ആരംഭിക്കുമെന്ന് അധികൃതര്‍ വ്യക്തമാക്കി.
നിലവില്‍ കലക്ടറേറ്റിന്റെ പുതിയ ബ്ലോക്കില്‍ സ്ഥാപിച്ചിരിക്കുന്ന നാല് ലിഫ്റ്റുകള്‍ വര്‍ക്കു ചെയ്യുന്നുണ്ട് എങ്കിലും, മൂന്ന് ലിഫ്റ്റ് മാത്രമാണ് മുഴുവന്‍ സമയം ജീവനക്കാരും സന്ദര്‍ശകരും ഉപയോഗിക്കുന്നത്. നാലാമത്തെ ലിഫ്റ്റില്‍ ഭൂരിഭാഗം സമയത്തും ഭക്ഷണവും ചായയും ഓഫീസ് സാധനങ്ങളും കൊണ്ടു പോകുകയാണ് ചെയ്യുന്നത്.