കാര്‍ത്തികപ്പള്ളി: കാര്‍ഷിക വികസന കര്‍ഷക ക്ഷേമ വകുപ്പ് കാര്‍ത്തികപ്പള്ളി കൃഷിഭവന്റെ ആഭിമുഖ്യത്തില്‍ 'ഓണ സമൃധി' പഴം പച്ചക്കറി വിപണി-2016 ന് കൃഷിഭവന്‍ ഹാളില്‍ തുടക്കമായി. 13 ന് സമാപിക്കും. പഞ്ചായത്തിലെ കുടുംബശ്രീ ഗ്രൂപ്പുകളുടെ വിവിധ ഉത്പന്നങ്ങളും വിപണിയില്‍ ലഭിക്കും. പഞ്ചായത്ത് പ്രസിഡന്റ് ജിമ്മി വി. കൈപ്പള്ളി ഉദ്ഘാടനം ചെയ്തു. ബ്ലോക്ക് പഞ്ചായത്തംഗം ബി.ദീപക്, പഞ്ചായത്തംഗങ്ങളായ ഉല്ലാസ്, സാബു,സി.ഡി.എസ് ചെയര്‍ പേഴ്‌സണ്‍ ബിന്ദു എന്നിവര്‍ സംബന്ധിച്ചു. കൃഷി ഓഫീസര്‍ രേഖാ ഭാസ്‌കര്‍ സ്വാഗതവും അസിസ്റ്റന്റ് കൃഷി ഓഫീസര്‍ എല്‍. പ്രേംകുമാരി നന്ദിയും പറഞ്ഞു.