ന്യൂഡല്‍ഹി: രാജ്യത്തെ ആദ്യ വന്ദേഭാരത് സ്ലീപ്പര്‍ ട്രെയിനിന്റെ  റൂട്ടുകള്‍ പ്രഖ്യാപിച്ച് ഇന്ത്യന്‍ റെയില്‍വേ. ഗുവാഹത്തി- കൊല്‍ക്കത്ത റൂട്ടിലാണ് പുതിയ ട്രെയിന്‍ സ്ലീപ്പര്‍ ട്രെയിന്‍ സര്‍വീസ് നടത്തുകയെന്ന് റെയില്‍വേ മന്ത്രി അശ്വിനി വൈഷ്ണവ് അറിയിച്ചു. സര്‍വീസ് പ്രധാനമന്ത്രി നരേന്ദ്ര മോദി ഫ്‌ളാഗ് ഓഫ് ചെയ്യുമെന്നും മന്ത്രി അറിയിച്ചു. 

വന്ദേഭാരത് സ്ലീപ്പറിന്റെ പരീക്ഷണ ഓട്ടമടക്കമുള്ള എല്ലാ പരിശോധനകളും വിജയകരമായി പൂര്‍ത്തിയാക്കിയിട്ടുണ്ട്. ലോകോത്തര സൗകര്യങ്ങളും സുരക്ഷയും യാത്ര പ്രദാനം ചെയ്യുമെന്നും മന്ത്രി കൂട്ടിച്ചേര്‍ത്തു. 

16 കോച്ചുകളാണ് പുതിയ വന്ദേഭാരത് സ്ലീപ്പറിലുള്ളത്. 11 ത്രീടയര്‍ എസി കോച്ചുകള്‍, 4 ടു ടയര്‍ എസി കോച്ചുകള്‍, 1 ഫസ്റ്റ് എസി കോച്ച് എന്നിവയാണ് ഉണ്ടാവുക. 823 യാത്രക്കാര്‍ക്ക് സഞ്ചരിക്കാനാവും. യാത്രക്കാരുടെ സുരക്ഷയ്ക്കായി 'കവച്' സംവിധാനവും ട്രെയിനില്‍ ഘടിപ്പിച്ചിട്ടുണ്ട്. 

ട്രെിയനിന്റെ പരീക്ഷ സര്‍വീസ് ദൃശ്യങ്ങള്‍ നേരത്തെ പുറത്തുവന്നിരുന്നു. മണിക്കൂറില്‍ 180 കിലോമീറ്റര്‍ വരെ വേഗത കൈവരിക്കാന്‍ വന്ദേഭാരത് സ്ലീപ്പറുകള്‍ക്കാവും.

ALSO READ: യുവതിയെ ട്രെയിനില്‍ നിന്ന് തള്ളിയിട്ട കേസ്; പ്രതി സുരേഷ് കുമാറിനെതിരെ കുറ്റപത്രം സമര്‍പ്പിച്ചു 

india’s first vande bharat sleeper train will run on the guwahati-kolkata route, announced railway minister ashwini vaishnaw.