തവനൂര്‍: മലപ്പുറം സെന്‍ട്രല്‍ സഹോദയയുമായി സഹകരിച്ചു പ്രവര്‍ത്തിക്കുന്ന ജില്ലയിലെ എണ്‍പതില്‍ പരം സി.ബി.എസ്.ഇ സ്‌കൂളുകളിലെ 6000ത്തോളം വിദ്യാര്‍ഥികളുടെ സര്‍ഗശേഷികള്‍ മാറ്റുരയ്ക്കുന്ന 'സി.ബി.എസ്.ഇ ജില്ലാ  സ്‌കൂള്‍ കലോത്സവം' ഒക്ടോബര്‍ 28, 29, 30 തീയതികളിലായി  പെരിന്തല്‍മണ്ണ  ഐ.എസ്.എസ് സീനിയര്‍ സെക്കന്‍ഡറി സ്‌കൂളില്‍ നടക്കുമെന്നു മലപ്പുറം സെന്‍ട്രല്‍  സഹോദയയുടെയും സി.ബി.എസ്.ഇ ജില്ലാ മാനേജ്‌മെന്റ് അസോസിയേഷന്റെയും ഭാരവാഹികള്‍  അറിയിച്ചു.
 സ്റ്റേജിതര മല്‍സരങ്ങള്‍ മഞ്ചേരി നസ്‌റത്ത് പബ്ലിക് സ്‌കൂള്‍, പൂക്കോട്ടുംപാടം  യമാനിയ ഇംഗ്ലീഷ് സ്‌കൂള്‍, തിരൂര്‍ എംഇഎസ് സെന്‍ട്രല്‍ സ്‌കൂള്‍ എന്നിവിടങ്ങളില്‍ ഒക്ടോബര്‍ 15 നു നടക്കും. സ്വാഗതസംഘം രൂപീകരണം സെപ്റ്റംബര്‍ 28നു പെരിന്തല്‍മണ്ണ ഐ.എസ്.എസ് സ്‌കൂളില്‍ നടക്കുമന്നും കണ്‍വീനര്‍ അറിയിച്ചു. ഫോണ്‍: 9961489991