ന്യൂ മാഹി: കണ്ണൂർ ന്യൂ മാഹി ചെക്ക് പോസ്റ്റിന് സമീപം കട വരാന്തയിൽ തലയ്ക്ക് പരുക്കേറ്റ നിലയിൽ മൃതദേഹം കണ്ടെത്തിയ ആളെ തിരിച്ചറിഞ്ഞു. എറണാകുളം മുനമ്പം പള്ളിപ്പുറം സ്വദേശി നെടിയിരിപ്പിൽ ഹൗസിൽ എൻ. പ്രകാശൻ (60) ആണ് മരിച്ചത്. കൊലപാതകമാണെന്നാണ് പൊലിസിന്റെ പ്രാഥമിക നിഗമനം.

മാഹി, അഴിയൂർ മേഖലകളിൽ മത്സ്യബന്ധനവുമായി ബന്ധപ്പെട്ട ജോലികൾ ചെയ്തു വരികയായിരുന്നു പ്രകാശൻ. വെള്ളിയാഴ്ച പുലർച്ചെയാണ് കട വരാന്തയിൽ രക്തത്തിൽ കുളിച്ച നിലയിൽ മൃതദേഹം കണ്ടെത്തിയത്. തലയ്ക്ക് കരിങ്കല്ല് കൊണ്ട് അടിയേറ്റതാണ് മരണകാരണമെന്നാണ് സൂചന. മൃതദേഹത്തിന് സമീപത്തുനിന്ന് രക്തം പുരണ്ട കരിങ്കല്ല് പൊലിസ് കണ്ടെടുത്തു. 

ALSO READ: വിവാഹവാഗ്ദാനം നൽകി പീഡിപ്പിച്ച ശേഷം വഞ്ചിച്ചു; യുവാവ് അറസ്റ്റിൽ; യുവതി ആത്മഹത്യയ്ക്ക് ശ്രമിച്ചു

പ്രതികളെ കണ്ടെത്താനായി സിസിടിവി ദൃശ്യങ്ങൾ കേന്ദ്രീകരിച്ച് പൊലിസ് അന്വേഷണം ഊർജിതമാക്കിയിട്ടുണ്ട്. തലശ്ശേരി എസിപിയുടെ നേതൃത്വത്തിലുള്ള പാെലിസ് സംഘവും വിരലടയാള വിദഗ്ധരും സ്ഥലത്തെത്തി പരിശോധന നടത്തി. ഇൻക്വസ്റ്റ് നടപടികൾക്ക് ശേഷം മൃതദേഹം പോസ്റ്റ്‌മോർട്ടത്തിനായി പരിയാരം മെഡിക്കൽ കോളേജിലേക്ക് മാറ്റി.

The body of a man found on a shop veranda near the New Mahe check post has been identified as N. Prakashan, a native of Munambam, Pallippuram. Prakashan had been working in the fishing sector across the Mahe and Azhiyur areas. Police suspect it to be a case of murder, as he sustained severe head injuries. A blood-stained granite stone, believed to be the murder weapon, was recovered from the scene. Authorities are currently reviewing CCTV footage from the area to identify the culprit.