വാഷിംഗ്ടൺ: ലാറ്റിനമേരിക്കൻ രാജ്യമായ വെനസ്വേലയിൽ പരമാധികാരത്തിന് മേൽ കടന്നുകയറ്റം നടത്തി പ്രസിഡന്റ് നിക്കോളാസ് മഡൂറോയെ അമേരിക്കൻ സൈന്യം പിടികൂടി. രാജ്യത്ത് ജനാധിപത്യപരമായ അധികാര കൈമാറ്റം നടക്കുന്നത് വരെ വെനസ്വേല അമേരിക്കയുടെ ഭരണത്തിന് കീഴിലായിരിക്കുമെന്ന് യുഎസ് പ്രസിഡന്റ് ഡോണൾഡ് ട്രംപ് പ്രഖ്യാപിച്ചു. കസ്റ്റഡിയിലുള്ള മഡൂറോയുടെ ചിത്രവും വൈറ്റ് ഹൗസ് പുറത്തുവിട്ടു.

ALSO READ: വെനസ്വേലയ്ക്ക് നേരെയുള്ള യുഎസിന്റെ സൈനിക നീക്കം: സ്വർണ്ണത്തിനും വെള്ളിക്കും റെക്കോർഡ് വില വർദ്ധനവിന് സാധ്യത; വിപണിയിൽ ആശങ്ക

അതീവ രഹസ്യമായി നടത്തിയ 'ഓപ്പറേഷൻ വെനസ്വേല'യിലൂടെയാണ് യുഎസ് പ്രത്യേക സൈനിക വിഭാഗമായ ഡെൽറ്റ ഫോഴ്സ് മഡൂറോയെ പിടികൂടിയത്. വെനസ്വേലൻ തലസ്ഥാനമായ കാരക്കാസിൽ അതിരാവിലെ നടത്തിയ മിന്നൽ ആക്രമണത്തിനൊടുവിലായിരുന്നു നടപടി.

നിക്കോളാസ് മഡൂറോയും ഭാര്യ സിലിയ ഫ്ലോറസും നിലവിൽ യുഎസ് നാവികസേനയുടെ കപ്പലിലാണുള്ളത്. കണ്ണ് കെട്ടിയ നിലയിലുള്ള മഡൂറോയുടെ ചിത്രം ട്രംപ് പുറത്തുവിട്ടു. മഡൂറോയെ ഉടൻ ന്യൂയോർക്കിലെത്തിക്കുമെന്നും അവിടെ വിചാരണ നേരിടേണ്ടി വരുമെന്നും ട്രംപ് അറിയിച്ചു.

ALSO READ: വെനസ്വേലയുടെ പരമാധികാരത്തിന് മേൽ അമേരിക്കയുടെ കടന്നുകയറ്റം; ആക്രമണത്തെ അപലപിച്ച് റഷ്യയും ബ്രസീലും; ബ്രസീൽ അതിർത്തികൾ അടച്ചു

ഫ്ലോറിഡയിലെ മാർ-എ-ലാഗോയിൽ വിളിച്ചുചേർത്ത വാർത്താ സമ്മേളനത്തിലാണ് ട്രംപ് നിർണ്ണായക വെളിപ്പെടുത്തലുകൾ നടത്തിയത്. മഡൂറോയെ പിടികൂടുന്നത് ഒരു ടിവി ഷോ കാണുന്നത് പോലെ തത്സമയം താൻ കണ്ടിരുന്നതായി അദ്ദേഹം പറഞ്ഞു. 

ALSO READ: മഡുറോയെ ബന്ദിയാക്കിയതിൽ പ്രതിഷേധം; സമാധാന നൊബേൽ മോഹിക്കുന്ന ആൾപിടിയന്മാർ'; ട്രംപിനെ പരിഹസിച്ച് മന്ത്രി വി. ശിവൻകുട്ടി

എണ്ണപ്പാടങ്ങളിൽ ഇനി യുഎസ് കമ്പനികൾ

വെനസ്വേലയിലെ എണ്ണ സമ്പത്തിൽ അമേരിക്കൻ കമ്പനികൾക്ക് ഇനി അവകാശമുണ്ടാകുമെന്നും ട്രംപ് വ്യക്തമാക്കി. അമേരിക്കൻ എണ്ണ കമ്പനികൾ വെനസ്വേലയിൽ പണം ഉണ്ടാക്കുമെന്നും ഇത് തങ്ങളുടെ നയത്തിന്റെ ഭാഗമാണെന്നും അദ്ദേഹം കൂട്ടിച്ചേർത്തു.

അതേസമയം, മഡൂറോയെ തടവിലാക്കിയ നടപടിക്കെതിരെ റഷ്യ ശക്തമായി രംഗത്തെത്തി. മഡൂറോയെയും ഭാര്യയെയും ഉടൻ മോചിപ്പിക്കണമെന്ന് റഷ്യ ആവശ്യപ്പെട്ടു. നിലവിൽ വെനസ്വേലയിൽ അടിയന്തരാവസ്ഥ പ്രഖ്യാപിച്ചിരിക്കുകയാണ്. കാരക്കാസ് ഉൾപ്പെടെയുള്ള പ്രവിശ്യകളിൽ അമേരിക്കൻ വ്യോമാക്രമണം നടന്നതായാണ് റിപ്പോർട്ടുകൾ.

in a dramatic escalation, us president donald trump announced that elite delta force commandos captured venezuelan president nicolas maduro and his wife, cilia flores, during a pre-dawn operation in caracas. following heavy airstrikes on military targets, maduro was taken into custody and is being transported aboard the uss iwo jima to new york to face narco-terrorism charges. trump declared that the united states will "run the country" until a transition is established, sparking global outcry and strong protests from russia and cuba over the violation of venezuelan sovereignty.