തൃശൂർ: തൃശൂർ റെയിൽവേ സ്റ്റേഷനിൽ വൻ തീപിടുത്തം. ഇന്ന് രാവിലെ അഞ്ചരയോടെയായിരുന്നു സംഭവം. റെയിൽവേ സ്റ്റേഷനിലെ ബൈക്ക് പാർക്കിം​ഗ് ഏരിയയിലാണ് തീപിടുത്തം ഉണ്ടായത്. സംഭവത്തിൽ നിരവധി ബൈക്കുകൾ കത്തിനശിച്ചു. പാർക്കിങ് ഏരിയയിലുണ്ടായിരുന്ന മരങ്ങളിലേക്കും തീ പടർന്നത് ആശങ്ക വർധിപ്പിച്ചിട്ടുണ്ട്.

ALSO READ: താമരശ്ശേരി ചുരത്തിൽ ഇന്നും ഗതാഗതക്കുരുക്കിന് സാധ്യത; മൾട്ടി ആക്സിൽ വാഹനങ്ങൾക്ക് ഏർപ്പെടുത്തിയ നിയന്ത്രണം നടപ്പായില്ല

പാർക്കിങ് ഏരിയയിൽ നിർത്തിയിട്ടിരുന്ന വാഹനങ്ങൾക്കാണ് തീപിടിച്ചത്. ഏകദേശം അറുനൂറോളം ബൈക്കുകൾ ഈ സമയത്ത് അവിടെ ഉണ്ടായിരുന്നു എന്നാണ് കരുതുന്നത്.

അഗ്നിരക്ഷാ സേന സ്ഥലത്തെത്തി തീ അണയ്ക്കാനുള്ള ശ്രമങ്ങൾ തുടരുകയാണ്. അതേസമയം, തീ പൂർണ്ണമായും നിയന്ത്രണവിധേയമാക്കാൻ സാധിച്ചിട്ടില്ല. നിരവധി വാഹനങ്ങൾ ഇതിനോടകം തന്നെ കത്തിയമർന്നിട്ടുണ്ട്.

 A massive fire engulfed the bike parking area at Thrissur Railway Station, destroying several vehicles and spreading to nearby trees, causing concern among onlookers.