തിരുവനന്തപുരം: റെയിൽവേ ട്രാക്ക് ജോലികൾ നടക്കുന്നതിനാൽ മധുര - തിരുവനന്തപുരം ഡിവിഷനുകളിൽ ചില ട്രെയിനുകളുടെ റൂട്ടിൽ മാറ്റം വരുത്തി.

ഗുരുവായൂർ - ചെന്നൈ എക്‌സ്പ്രസ് (16128) ജനുവരി 7 മുതൽ 10 വരെയും, 12 മുതൽ 17 വരെയും, 19 മുതൽ 24 വരെയും, 26, 27 തീയതികളിലും ആലപ്പുഴ റൂട്ടിന് പകരം കോട്ടയം വഴിയായിരിക്കും സർവിസ് നടത്തുക. ഈ സാഹചര്യത്തിൽ, കോട്ടയം, ചങ്ങനാശ്ശേരി, തിരുവല്ല, ചെങ്ങന്നൂർ തുടങ്ങിയ സ്റ്റേഷനുകളിൽ ട്രെയിനിന് അധിക സ്റ്റോപ് അനുവദിച്ചിട്ടുണ്ട്.

കൂടാതെ, ജനുവരി നാല്, 7 മുതൽ 11 വരെ, 16 മുതൽ 18 വരം, 21 മുതൽ 24 വരെ, 28 മുതൽ 30 വരെയുള്ള ദിവസങ്ങളിൽ മധുര, ദിണ്ടിഗൽ, മണപ്പാറ സ്റ്റേഷനുകൾക്ക് പകരം വിരുദുനഗർ, കാരൈക്കുടി, തിരുച്ചിറപ്പള്ളി വഴിയായിരിക്കും സർവിസ് നടത്തുക. 

ALSO READ: പക്ഷിപ്പനിയും വിലക്കയറ്റവും തോറ്റു; സംസ്ഥാനത്ത് പുതുവത്സരത്തിൽ കോഴിയിറച്ചി വിൽപ്പനയിൽ റെക്കോർഡ്

അതേസമയം, ജനുവരി 9, 16, 23 തീയതികളിൽ ചെന്നൈ - തിരുവനന്തപുരം എസി സൂപ്പർഫാസ്റ്റ് (22207) ട്രെയിൻ കോട്ടയം വഴി സർവിസ് നടത്തും. എറണാകുളം ടൗൺ, കോട്ടയം, ചെങ്ങന്നൂർ തുടങ്ങിയ സ്റ്റേഷനുകളിൽ ട്രെയിനിന് അധിക സ്റ്റോപ് അനുവദിച്ചിട്ടുണ്ട്.

റൂട്ട് മാറുന്ന മറ്റ് ട്രെയിനുകൾ

താഴെ പറയുന്ന ട്രെയിനുകൾ ചില ദിവസങ്ങളിൽ മധുര, ദിണ്ടിഗൽ സ്റ്റേഷനുകൾക്ക് പകരം വിരുദുനഗർ, കാരൈക്കുടി, തിരുച്ചിറപ്പള്ളി വഴി തിരിച്ചുവിടും.

നാഗർകോവിൽ - മുംബൈ എക്‌സ്പ്രസ് (16352)

കന്യാകുമാരി - ഹൗറ സൂപ്പർഫാസ്റ്റ് (12666)

കന്യാകുമാരി - ഹൈദരാബാദ് സ്പെഷ്യൽ (07229)

നാഗർകോവിൽ - മുംബൈ എക്‌സ്പ്രസ് (16340)

Several trains operating in the Madurai and Thiruvananthapuram divisions have been diverted or rescheduled due to ongoing maintenance work on railway tracks. Passengers are advised to check the latest train schedules and plan their journeys accordingly.