കര്ണാടകയില് പതിമൂന്നുകാരിയെ കൂട്ടബലാത്സംഗം ചെയ്ത കേസ്; പ്രായപൂര്ത്തിയാകാത്ത ആണ്കുട്ടികള് പിടിയില്
ബെംഗളൂരു: കര്ണാടകയില് പതിമൂന്നുകാരിയെ കൂട്ടബലാത്സംഗം ചെയ്ത പ്രായപൂര്ത്തിയാകാത്ത ആണ്കുട്ടികള് പിടിയില്. ധാര്വാഡ് ജില്ലയിലെ ഹുബ്ബള്ളിയിലാണ് സംഭവം. 14ഉം 15ഉം വയസുള്ള മൂന്ന് ആണ്കുട്ടികളാണ് പിടിയിലായത്.
വീട്ടില് മാതാപിതാക്കള് ഇല്ലാതിരുന്ന സമയം നോക്കി പെണ്കുട്ടിയെ തട്ടിക്കൊണ്ടുപോയി ഒറ്റപ്പെട്ട സ്ഥലത്ത് വെച്ച് ബലാത്സംഗം ചെയ്തെന്നാണ് പരാതി. പ്രതികളില് രണ്ടുപേര് ഹൈസ്കൂള് വിദ്യാര്ഥികളാണെന്നും, മൂന്നാമന് സ്കൂള് പഠനം ഉപേക്ഷിച്ചെന്നും റിപ്പോര്ട്ടുണ്ട്.
ബലാത്സംഗത്തിന്റെ ദൃശ്യങ്ങള് റെക്കോര്ഡ് ചെയ്തെന്ന് പ്രതികള് പെണ്കുട്ടിയെ ഭീഷണിപ്പെടുത്തിയതായും പരാതിയില് പറയുന്നു. ഇതിന്റെ അടിസ്ഥാനത്തില് പൊലിസ് പ്രതികളുടെ മൊബൈല് ഫോണുകള് കസ്റ്റഡിയില് എടുത്തിട്ടുണ്ട്.
അതേസമയം ഇരയാക്കപ്പെട്ട പെണ്കുട്ടിക്ക് സംരക്ഷണം ഒരുക്കിയതായും സംഭവത്തില് അന്വേഷണം പുരോഗമിക്കുകയാണെന്നും ഹുബ്ബള്ളി- ധാര്വാഡ് പൊലിസ് കമ്മീഷണര് എന് ശശികുമാര് പറഞ്ഞു.
police arrest three boys for abusing thirteen year old girl in karnataka
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."