ദുബൈ: ദുബൈ ഭരണാധികാരിയായി 20 വർഷത്തെ നേതൃത്വകാലം പൂർത്തിയാക്കിയ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിനെ അഭിനന്ദിച്ച് യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ. സോഷ്യൽ മീഡിയയിലൂടെ യുഎഇ പ്രസിഡന്റ് ഷെയ്ഖ് മുഹമ്മദിന് ആശംസ അറിയിച്ചത്.

“എന്റെ സഹോദരൻ മുഹമ്മദ് ബിൻ റാഷിദ് നമ്മുടെ സർക്കാരിനെ നയിച്ച 20 വർഷങ്ങളുടെ ബഹുമാനാർത്ഥം, യുഎഇയുടെ വളർച്ചയെ മുന്നോട്ട് നയിച്ച അദ്ദേഹത്തിന്റെ പ്രചോദനാത്മകമായ നേട്ടങ്ങളും ദർശനവും ഞങ്ങൾ ആഘോഷിക്കുന്നു,” യുഎഇ പ്രസിഡന്റ് കുറിച്ചു. ബഹിരാകാശം മുതൽ സംസ്കാരം വരെ വിവിധ മേഖലകളിൽ ദുബൈയെ ആഗോള തലത്തിൽ ഉയർത്തിയതിൽ അദ്ദേഹത്തിന്റെ നേതൃത്വത്തിന് നിർണായക പങ്കുണ്ടായിരുന്നുവെന്നും അദ്ദേഹം ചൂണ്ടിക്കാട്ടി.

“നമ്മുടെ പ്രിയപ്പെട്ട രാജ്യത്തിന്റെയും ജനങ്ങളുടെയും പുരോഗതിക്കും വികസനത്തിനുമായി നമ്മൾ ഒരുമിച്ച് പ്രവർത്തിക്കുമ്പോൾ ദൈവം അദ്ദേഹത്തെ സംരക്ഷിക്കട്ടെ,” പ്രസിഡന്റ് കൂട്ടിച്ചേർത്തു.

ഇതോടൊപ്പം, ദുബൈ കിരീടാവകാശിയും ഷെയ്ഖ് മുഹമ്മദിന്റെ മകനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമും പിതാവിനെ അഭിനന്ദിച്ച് ഹൃദയസ്പർശിയായ കുറിപ്പ് പങ്കുവച്ചു.

“നന്ദി, മുഹമ്മദ് ബിൻ റാഷിദ്. ഞങ്ങൾ എന്നും ആദരിക്കുന്ന പിതാവും നേതാവും പ്രചോദനത്തിന്റെ ഉറവിടവുമാണ് നിങ്ങൾ. രാജ്യത്തിന്റെ പുരോഗതിക്ക് വഴികാട്ടിയും ഓരോ ഘട്ടത്തിലും പ്രത്യാശ പകരുകയും ചെയ്യുന്ന ഒരു അഭിമാനകരമായ പാരമ്പര്യമാണ് നിങ്ങൾ സൃഷ്ടിച്ചത്,” അദ്ദേഹം കുറിച്ചു.

نحتفي بعشرين عاماً من الحكم والحكمة لصاحب السمو الشيخ محمد بن راشد آل مكتوم الذي حقق المستحيل، وخلق عبر رؤاه وقيادته واقعاً جديداً لدبي والإمارات والمنطقة، ليتضاعف الاقتصاد وترتقي الإمارات لصدارة الأمم وتصبح دبي مركزاً عالمياً للتجارة والأعمال، ومنصةً لتصدير المستقبل وصناعته،… pic.twitter.com/f84zpOpSEu

— Maktoum Bin Mohammed (@MaktoumMohammed) January 4, 2026

ദീർഘവീക്ഷണമുള്ള നേതൃത്വം ആശയങ്ങളെ ആഗോള നേട്ടങ്ങളാക്കി മാറ്റിയെന്നും, വെല്ലുവിളികളെ അവസരങ്ങളാക്കി രൂപപ്പെടുത്തിയെന്നും ഷെയ്ഖ് ഹംദാൻ വ്യക്തമാക്കി. മികവിനും അഭിലാഷത്തിനുമുള്ള പരിശ്രമം രാജ്യത്തിന്റെ ആത്മാവിന്റെ ഭാഗമാക്കിയതിൽ ഷെയ്ഖ് മുഹമ്മദിന്റെ പങ്ക് വലുതാണെന്നും അദ്ദേഹം പറഞ്ഞു.

ALSO READ: ഷെയ്ഖ് മുഹമ്മദിന്റെ സ്ഥാനാരോഹണത്തിന് 20 വർഷം; ദുബൈയുടെ സമാനതകളില്ലാത്ത വളർച്ചയ്ക്ക് രണ്ട് പതിറ്റാണ്ട്

ഷെയ്ഖ് മുഹമ്മദിന്റെ മറ്റൊരു മകനായ ഷെയ്ഖ് മക്തൂം ബിൻ മുഹമ്മദ് അൽ മക്തൂമും പിതാവിന് ആശംസകൾ നേർന്നു. അദ്ദേഹത്തിന്റെ ജ്ഞാനവും ദർശനവും പ്രശംസിച്ചുകൊണ്ട്, നേട്ടങ്ങൾ അടങ്ങിയ ഒരു വീഡിയോയും അദ്ദേഹം പങ്കുവച്ചു.

“അസാധ്യമായത് സാധ്യമാക്കി, തന്റെ ദർശനത്തിലൂടെ ദുബൈക്കും യുഎഇയ്ക്കും മേഖലയ്ക്കും ഒരു പുതിയ യാഥാർത്ഥ്യം സൃഷ്ടിച്ച ഭരണത്തിന്റെ ഇരുപത് വർഷങ്ങളാണ് നാം ആഘോഷിക്കുന്നത്,” അദ്ദേഹം വ്യക്തമാക്കി.

വൈസ് പ്രസിഡന്റും ഉപപ്രധാനമന്ത്രിയും പ്രസിഡൻഷ്യൽ കോടതി മേധാവിയുമായ ഷെയ്ഖ് മൻസൂർ ബിൻ സായിദ് അൽ നഹ്യാനും ഷെയ്ഖ് മുഹമ്മദ് ബിൻ റാഷിദിനെ അഭിനന്ദിച്ചു. “സർക്കാർ മികവിൽ യുഎഇയെ ആഗോള മാതൃകയാക്കിയ ഒരു നൂതന ഭരണസംവിധാനമാണ് അദ്ദേഹം രൂപപ്പെടുത്തിയത്,” അദ്ദേഹം പറഞ്ഞു.

ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ 20 വർഷത്തെ നേതൃത്വകാലത്ത് ബുർജ് ഖലീഫ, ദുബൈ മെട്രോ, എക്സ്പോ 2020, യുഎഇ മാർസ് മിഷൻ, ഗോൾഡൻ വിസ പദ്ധതി തുടങ്ങിയ ചരിത്രപ്രധാന നേട്ടങ്ങൾക്കും പദ്ധതികൾക്കുമാണ് ദുബൈ സാക്ഷ്യം വഹിച്ചത്. മനുഷ്യരുടെ ജീവിത നിലവാരം ഉയർത്തുകയും, സുരക്ഷയും സ്ഥിരതയും ഉറപ്പാക്കുകയും ചെയ്ത ഈ രണ്ട് ദശാബ്ദങ്ങൾ യുഎഇയുടെ വികസനയാത്രയിൽ നിർണായക അധ്യായമായാണ് വിലയിരുത്തപ്പെടുന്നത്.

uae president sheikh mohamed bin zayed congratulated dubai ruler sheikh mohammed bin rashid on the twentieth anniversary of his accession praising his visionary leadership achievements and contributions to national growth stability innovation and global stature of the united arab emirates.