കാരക്കസ്: നിക്കളസ് മഡുറോയെ സ്വന്തം പാര്‍ട്ടിക്കാര്‍ തന്നെ ഒറ്റിയോ? ഇതിലേക്ക് വിരല്‍ ചൂണ്ടുന്ന പ്രതികരണവുമായി രംഗത്ത് വന്നിരിക്കുകയാണ് നിക്കളസ് മഡുറോ ഗുരേ. ഇതുമായി ബന്ധപ്പെട്ട് ഗുരേയുടെ ഒരു ശബ്ദസന്ദേശമാണ് പുറത്ത് വന്നിരിക്കുന്നത്. സ്വന്തം പാര്‍ട്ടിക്കുള്ളില്‍ നിന്ന് തന്നെ മഡുറോയെ ഒറ്റിയെന്നാണ് ശബ്ദസന്ദേശത്തിന്റെ വ്യംഗമായ സൂചന

ആരായിരുന്നു രാജ്യദ്രോഹികളെന്ന് ചരിത്രം പറയും. ചരിത്രം തന്നെ അവരെ കാട്ടിതരും. നമുക്ക് കാണാം- ഗുരേ പറഞ്ഞു. പുറത്ത് നിന്നുള്ള ആക്രമണങ്ങള്‍ തടയാന്‍ രാഷ്ട്രീയ-സൈനിക ഐക്യം വേണമെന്ന് അദ്ദേഹം ആവശ്യപ്പെട്ടു. ഞങ്ങളെ ദുര്‍ബലരായി കാണാനാണ് അവര്‍ ആഗ്രഹിക്കുന്നത്. എന്നാല്‍, ആത്മാഭിമാനത്തിന്റെ ബാനര്‍ ഉയര്‍ത്തുകയാണ് ഞങ്ങളിപ്പോള്‍ ചെയ്യുന്നതെന്നും അദ്ദേഹം കൂട്ടിച്ചേര്‍ത്തു.

ALSO READ: 'വെനസ്വേലക്കെതിരെ യുദ്ധത്തിനില്ല, ഭരിക്കാനുമില്ല'  ട്രംപിന്റെ നിലപാടില്‍ യുടേണടിച്ച് യു.എസ് സ്റ്റേറ്റ് സെക്രട്ടറി

ഞങ്ങള്‍ സുഖമായിരിക്കുന്നു, ഞങ്ങള്‍ ശാന്തരാണ്. തെരുവുകളില്‍, ഈ ആളുകളോടൊപ്പം ഞങ്ങളെ കാണാം. അവര്‍ ഞങ്ങളെ ദുര്‍ബലരായി കാണാന്‍ ആഗ്രഹിക്കുന്നു. എന്നാല്‍ അന്തസ്സിന്റെ കൊടികള്‍ ഉയര്‍ത്താനാണ് ഞങ്ങള്‍ ആഗ്രഹിക്കുന്നത്' അദ്ദേഹം പറഞ്ഞു.  തങ്ങളെ ദേഷ്യം പിടിപ്പിക്കാനോ ദുര്‍ബലരാക്കാനോ അവര്‍ക്ക് കഴിയില്ലെന്നും തന്റെ മാതാവിന് മേല്‍ സത്യമിട്ട് അദ്ദേഹം ഉറപ്പിച്ചു പറയുന്നു. ഐക്യം പുനഃസംഘടിപ്പിക്കുന്നതിനും ശക്തിപ്പെടുത്തുന്നതിനുമായി ജനുവരി 4, 5 തീയതികളില്‍ പൊതു പ്രക്ഷോഭങ്ങളില്‍ പങ്കെടുക്കാനും അദ്ദേഹം പിന്തുണക്കാരെ ആഹ്വാനം ചെയ്തു. 

ALSO READ: മൊഗാദിഷുവിലെ പരാജയം; അധിനിവേശത്തില്‍ ഒരു യു.എസ് നാണക്കേടിന്റെ കഥ

ശനിയാഴ്ച പുലര്‍ച്ചെയാണ് മഡുറോയെയും ഭാര്യയെയും യു.എസ് സേന ബന്ദിയാക്കിയത്. തുടര്‍ന്ന് യു.എസ് സൈനിക ഹെലികോപ്റ്ററില്‍ കരീബിയന്‍ കടലില്‍ ഉണ്ടായിരുന്ന യു.എസ്.എസ് ഇവോ ജിമ വിമാനവാഹിനി കപ്പലിലേക്ക് മാറ്റി. ശേഷം ഗ്വാണ്ടനാമോയിലെ അമേരിക്കന്‍ നാവിക കേന്ദ്രത്തില്‍ എത്തിക്കുകയും ഇവിടെ നിന്ന് പ്രത്യേക വിമാനത്തില്‍  ന്യൂയോര്‍ക്കിലെ സ്റ്റിവാര്‍ട്ട് എയര്‍ നാഷനല്‍ ഗാര്‍ഡ് ബേസില്‍ എത്തിക്കുകയായിരുന്നു.

nicolas maduro guru has hinted at internal betrayal within the ruling party, calling for political and military unity after maduro and his wife were taken into us custody.