2026 ഫിഫ ലോകകപ്പിൽ കിരീടം നേടാൻ സാധ്യതയുള്ള ടീമുകൾ ഏതെല്ലാമാണെന്ന് പറഞ്ഞിരിക്കുകയാണ് മുൻ ഉറുഗ്വയ്ൻ ഗോൾകീപ്പർ ഫെർണാണ്ടോ മുസ്‌ലേര. ഉറുഗ്വ, അർജന്റീന, സ്‌പെയ്ൻ എന്നീ ടീമുകളെയാണ് ആദ്യ മൂന്ന് സ്ഥാനങ്ങളിൽ ഫെർണാണ്ടോ തെരഞ്ഞെടുത്തത്. നാലാമതായി ബ്രസീലിനെയും തെരഞ്ഞെടുത്തു. ക്രിസ്റ്റ്യാനോ റൊണാൾഡോയുടെ പോർച്ചുഗൽ ലോകകപ്പ് നേടില്ലെന്നും മുൻ ഉറുഗ്വയ്ൻ താരം വ്യക്തമാക്കി. ആൽബിസെലെസ്റ്റെടോക്കിന് നൽകിയ അഭിമുഖത്തിൽ സംസാരിക്കുകയായിരുന്നു ഫെർണാണ്ടോ മുസ്‌ലേര. 

''ലോകകപ്പ് നേടാൻ സാധ്യതയുള്ള മൂന്ന് രാജ്യങ്ങൾ  ഉറുഗ്വ, അർജന്റീന, സ്‌പെയ്ൻ എന്നിവരാണ്. ബ്രസീൽ ഒരുപടി താഴെയാണ്. ക്രിസ്റ്റ്യാനോ അത് നേടില്ലെന്ന് ഞാൻ വിശ്വസിക്കുന്നു. ഞാൻ റൊണാൾഡോയെയും മെസിയെയും നേരിട്ട്. വികാരങ്ങൾ വ്യത്യസ്തമാണ്. എനിക്ക് മെസിയെയാണ് ഇഷ്ടം. അവൻ ലോകകപ്പ് നേടിയതോടെ ഇപ്പോഴും ഉയരങ്ങളിൽ തുടരുമെന്ന് ഞാൻ പ്രതീക്ഷിക്കുന്നു'' മുൻ ഉറുഗ്വയ്ൻ ഗോൾകീപ്പർ പറഞ്ഞു. 

അതേസമയം 2026 ഫിഫ ലോകകപ്പിൽ കിരീടം നേടാൻ സാധ്യതയുള്ള ടീമുകൾ ഏതെല്ലാമാണെന്ന് മെസിയും അടുത്തിടെ പറഞ്ഞിരുന്നു. മെസിയുടെ ലിസ്റ്റിലും പോർച്ചുഗലിന് ഇടം നേടാനായില്ല.. സ്‌പെയ്ൻ, ജർമനി, ബ്രസീൽ, ഇംഗ്ലണ്ട്, ഫ്രാൻസ് എന്നീ ടീമുകളെയാണ് മെസി ലോകകപ്പ് ഫേവറൈറ്റുകളായി തെരഞ്ഞെടുത്തത്.  സ്പോർട്സ് സെന്റർ അർജന്റീനക്ക് നൽകിയ പ്രത്യേക അഭിമുഖത്തിലാണ് മെസി ഇക്കാര്യം പറഞ്ഞത്. 

''ലോകകപ്പ് നേടാൻ സ്‌പെയ്ൻ, ഇംഗ്ലണ്ട്, ഫ്രാൻസ്, ജർമനി, ബ്രസീൽ എന്നീ ടീമുകൾക്ക് സാധ്യതയുണ്ട്. എന്നാൽ ഞങ്ങൾ ലോകകപ്പ് നേടാനുള്ള മത്സരം നിർത്തില്ല അതിൽ ഒരു സംശയവും വേണ്ട'' ലയണൽ മെസി പറഞ്ഞു. 

Former Uruguayan goalkeeper Fernando Mussera has named the teams that are likely to win the 2026 FIFA World Cup. Fernando has picked Uruguay, Argentina and Spain as the top three teams. He also picked Brazil as the fourth. The former Uruguayan player also stated that Cristiano Ronaldo's Portugal will not win the World Cup.