മാഞ്ചസ്റ്റർ യുണൈറ്റഡിന്റെ പരിശീലക സ്ഥാനത്തുനിന്നും റൂബൻ അമാറിം പടിയിറങ്ങിയിരിക്കുകയാണ്. മാഞ്ചസ്റ്റർ യുണൈറ്റഡിനൊപ്പമുള്ള 14 മാസത്തെ തന്റെ പരിശീലക യാത്രയ്ക്കാണ് അമാറിം അവസാനമിട്ടത്.

ഇപ്പോൾ മാഞ്ചസ്റ്റർ യുണൈറ്റഡിൽ അമോറിമിന്റെ പകരക്കാരനാവാൻ സാധിക്കുന്ന നാല് പരിശീലകരുടെ പേര് പറഞ്ഞിരിക്കുകയാണ് റെഡ് ഡെവിൾസ് ഇതിഹാസം റിയോ ഫെർഡിനാൻഡ്. റോബർട്ടോ ഡി സെർബി, തോമസ് ട്യുച്ചൽ, സാവി, ഡാരൻ ഫ്ലെച്ചർ എന്നിവരെയാണ് പുതിയ പരിശീലകരായി ഫെർഡിനാൻഡ് നിർദേശിച്ചത്. തന്റെ എക്സ് അക്കൗണ്ടിലൂടെയായിരുന്നു  ഫെർഡിനാൻഡിന്റെ പ്രതികരണം. 

അമോറിമിന്റെ പകരക്കാരനായി നിലവിൽ ഡാരൻ ഫ്ലെച്ചറെയാണ് ഇടക്കാല പരിശീലകനായി നിയമിച്ചിരിക്കുന്നത്. സ്ഥിരമായി ഒരു പരിശീലകനെ കണ്ടെത്തുന്നതുവരെ ഫ്ലെച്ചർ ആയിരിക്കും മാഞ്ചസ്റ്റർ യുണൈറ്റഡിനെ പരിശീലിപ്പിക്കുക.

ഈ സീസണിൽ നിറം മങ്ങിയ പ്രകടനമാണ് അമോണിന്റെ കീഴിൽ മാഞ്ചസ്റ്റർ യുണൈറ്റഡ് നടത്തിയിരുന്നത്. നിലവിൽ ഇംഗ്ലീഷ് പ്രീമിയർ ലീഗിൽ പോയിന്റ് പട്ടികയിൽ ആറാം സ്ഥാനത്താണ് റെഡ് ഡെവിൾസ്. 20 മത്സരങ്ങളിൽ നിന്നും എട്ടു വിജയവും ഏഴു സമനിലയും അഞ്ചു തോൽവിയും അടക്കം 31 പോയിന്റാണ് മാഞ്ചസ്റ്റർ യുണൈറ്റഡിനുള്ളത്.

പ്രീമിയർ ലീഗിൽ ലീഡ്സ് യുണൈറ്റഡിനെതിരെയുള്ള മത്സരത്തിന് ശേഷം പത്രസമ്മേളനത്തിൽ ക്ലബ്ബ് മാനേജ്മെനന്റിനെതിരെ അമാറിം പ്രസ്താവനകൾ നടത്തിയിരുന്നു. വെറുമൊരു കോച്ച് ആവാനല്ല ഇവിടെ വന്നതെന്നും ക്ലബ്ബിന്റെ പൂർണ നിയന്ത്രണമുള്ള മാനേജർ ആകാനാണ് വന്നതെന്നുമായിരുന്നു അമോറിമിന്റെ പരാമർശം. ഇതിനു പിന്നാലെയാണ് അമോറിമിനെ പുറത്താക്കാനുള്ള നടപടിയുമായി ക്ലബ് മുന്നോട്ട് വന്നത്. 

Ruben Amorim has stepped down as Manchester United manager. Amorim has ended his 14-month coaching career with Manchester United. Now, Red Devils legend Rio Ferdinand has named four managers who could replace Amorim at Manchester United.