രാജ്കോട്ട്: വിജയ് ഹസാരെ ട്രോഫിയിൽ ഡബിൾ സെഞ്ച്വറി നേടി തിളങ്ങി ഹൈദരാബാദ് താരം അമൻ റാവു. ബംഗാളിനെതിരായ മത്സരത്തിലാണ് അമൻ റാവു ഇരട്ട സെഞ്ച്വറി നേടിയത്. 154 പന്തിൽ പുറത്താവാതെ 200 റൺസ് നേടിയാണ് താരം മികവ് കാണിച്ചത്. 12 ഫോറുകളും 13 കൂറ്റൻ സിക്സുകളും അടങ്ങുന്നതാണ് അമൻ റാവുവിന്റെ പ്രകടനം. 

സീസണിലെ രണ്ടാമത്തെ ഡബിൾ സെഞ്ച്വറി ആണിത്. ഒഡീഷ താരം സ്വസ്തിക് സമാൽ ആണ് ഇതിനു മുമ്പ് ഈ സീസണിൽ ഇരട്ട സെഞ്ച്വറി നേടിയത്. വിജയ് ഹസാരെ ട്രോഫിയിൽ ഹൈദരാബാദ് താരം നേടുന്ന ആദ്യ ഡബിൾ സെഞ്ച്വറി ആണിത്. 

വിജയ് ഹസാരെ ട്രോഫിയിൽ ഡബിൾ സെഞ്ച്വറി നേടുന്ന ഒമ്പതാമത്തെ താരമാണ് അമൻ റാവു. മലയാളി താരം സഞ്ജുവടക്കമുള്ള എട്ട് താരങ്ങളാണ് റാവുവിനു മുമ്പായി വിജയ് ഹസാരെയിൽ ഡബിൾ സെഞ്ച്വറി നേടിയത്. ഐപിഎൽ 2026ൽ രാജസ്ഥാൻ റോയൽസിന് വേണ്ടിയാണ് താരം കളിക്കുക. ലേലത്തിൽ 30 ലക്ഷം രൂപയ്ക്കാണ് താരത്തെ രാജസ്ഥാൻ സ്വന്തമാക്കിയത്.

അതേസമയം ഒഡീഷക്കെതിരായ മത്സരത്തിൽ 107 റൺസിന്റെ കൂറ്റൻ വിജയമാണ് ഹൈദരാബാദ് നേടിയത്. മത്സരത്തിൽ ആദ്യം ബാറ്റ് ചെയ്ത ഹൈദരാബാദ് 50 ഓവറിൽ അഞ്ചു വിക്കറ്റ് നഷ്ടത്തിൽ 352 റൺസാണ് നേടിയത്. വിജയലക്ഷ്യം പിന്തുടർന്ന ബംഗാൾ 44.4 ഓവറിൽ 245 റൺസിന്‌ ഓൾ ഔട്ടായി. 

Hyderabad player Aman Rao shines in Vijay Hazare Trophy with double century. Aman Rao scored a double century in the match against Bengal. The player showed his excellence by scoring 200 runs not out in 154 balls. Aman Rao's performance included 12 fours and 13 huge sixes.