അജ്മാൻ: അജ്മാനിലെ സ്വകാര്യ സ്‌കൂളുകളുടെ വെള്ളിയാഴ്ചകളിലെ പ്രവർത്തന സമയം പുതുക്കി നിശ്ചയിച്ചു. ജനുവരി 9 വെള്ളിയാഴ്ച മുതൽ പുതിയ മാറ്റം പ്രാബല്യത്തിൽ വരും. അജ്മാൻ പ്രൈവറ്റ് എഡ്യൂക്കേഷൻ അഫയേഴ്‌സ് ഓഫീസാണ് ഇത് സംബന്ധിച്ച ഔദ്യോഗിക അറിയിപ്പ് നൽകിയത്.

അജ്മാനിലെ സ്വകാര്യ സ്‌കൂളുകളുടെ പുതിയ സമയക്രമം അനുസരിച്ച് വെള്ളിയാഴ്ചകളിൽ രാവിലെ 11:30-ന് അധ്യയനം അവസാനിപ്പിക്കും. പുതുക്കിയ വെള്ളിയാഴ്ച പ്രാർത്ഥന സമയത്തിന് അനുസൃതമായി വിദ്യാർത്ഥികൾക്കും അധ്യാപകർക്കും കൃത്യസമയത്ത് മതപരമായ കടമകൾ നിർവഹിക്കാൻ സൗകര്യമൊരുക്കുന്നതിനാണ് മാറ്റം വരുത്തിയിരിക്കുന്നത്. അതേസമയം, ഹാജർ നില, മറ്റ് സ്കൂൾ നയങ്ങൾ എന്നിവയിൽ മാറ്റമുണ്ടാകില്ലെന്നും ഒരു സാധാരണ അധ്യയന ദിവസമായി തന്നെ വെള്ളിയാഴ്ച തുടരുമെന്നും അധികൃതർ വ്യക്തമാക്കി.

ALSO READ: ദുബൈ ടൈഗർ ടവർ തീപിടുത്തം: അറ്റകുറ്റപ്പണികൾ ഉടൻ ആരംഭിക്കും; ഇൻഷുറൻസ് പരിരക്ഷയും പുനരധിവാസവും പ്രഖ്യാപിച്ച് ഡി.എൽ.ഡി 

2026 മുതൽ യുഎഇയിലുടനീളം വെള്ളിയാഴ്ച പ്രാർത്ഥന സമയം ഉച്ചയ്ക്ക് 12:45-ലേക്ക് മാറ്റിയിരുന്നു. ഇതിന് അനുസൃതമായാണ് സ്‌കൂൾ സമയത്തിലും മാറ്റം വരുത്തിയിരിക്കുന്നത്. വിദ്യാർത്ഥികൾക്കും അധ്യാപകർക്കും അവരുടെ മതപരമായ കടമകൾ കൃത്യസമയത്ത് നിർവഹിക്കാൻ പുതിയ ക്രമീകരണം സഹായിക്കും.

പുതിയ സമയക്രമം സംബന്ധിച്ച അറിയിപ്പുകൾ സ്കൂളുകൾ രക്ഷിതാക്കൾക്ക് ഇമെയിൽ വഴിയും സർക്കുലറുകൾ വഴിയും അയച്ചുതുടങ്ങിയിട്ടുണ്ട്. പൊതുവിദ്യാലയങ്ങൾക്കും ഈ മാറ്റം ബാധകമായിരിക്കും. വിദ്യാഭ്യാസം ഉറപ്പാക്കിക്കൊണ്ട് തന്നെ പ്രാർത്ഥനയ്ക്കുള്ള സമയം നൽകാനാണ് തീരുമാനത്തിലൂടെ അധികൃതർ ലക്ഷ്യമിടുന്നത്.

schools in ajman will follow revised timings on fridays starting january 9. authorities have announced the updated schedule to streamline academic activities and accommodate community needs.