തിരുവനന്തപുരം: തദ്ദേശ സ്വയംഭരണ തെരഞ്ഞെടുപ്പിൽ പാർട്ടി സ്ഥാനാർഥികളെ പരാജയപ്പെടുത്താൻ പരസ്യമായി രംഗത്തിറങ്ങിയ മൂന്ന് നേതാക്കളെ ബിജെപി സസ്‌പെൻഡ് ചെയ്തു. കർഷക മോർച്ച സംസ്ഥാന സമിതിയംഗം വി.പി. ആനന്ദ്, വട്ടിയൂർകാവ് മണ്ഡലം മീഡിയ കൺവീനർ സുനിൽ കുമാർ, നേമം മണ്ഡലം സെക്രട്ടറി രാജ് കുമാർ എന്നിവർക്കെതിരെയാണ് ബിജെപി ജില്ലാ നേതൃത്വം അച്ചടക്ക നടപടി സ്വീകരിച്ചത്.

ALSO READ: മലമ്പുഴ പീഡനക്കേസ്: മദ്യം നൽകി പീഡിപ്പിച്ചത് നിരവധി വിദ്യാർഥികളെ; അധ്യാപകനെതിരെ കൂടുതൽ പരാതികൾ

പാർട്ടിയുടെ പ്രാഥമിക അംഗത്വത്തിൽ നിന്നാണ് ഇവരെ നീക്കം ചെയ്തിരിക്കുന്നത്. തിരുവനന്തപുരം കോർപ്പറേഷനിലെ വിവിധ വാർഡുകളിൽ ബിജെപി സ്ഥാനാർഥികൾക്കെതിരെ ഇവർ പ്രവർത്തിച്ചുവെന്ന് പാർട്ടി കണ്ടെത്തിയതിനെ തുടർന്നാണ് സസ്‌പെൻഡ് ചെയ്തത്.

ALSO READ: കൊച്ചി കപ്പൽ അപകടം: എംഎസ്‌സി കമ്പനി 1227 കോടി രൂപ ഹൈക്കോടതിയിൽ കെട്ടിവെച്ചു; കസ്റ്റഡിയിലുള്ള കപ്പൽ വിട്ടുനൽകാൻ ഉത്തരവ്

കവടിയാർ വാർഡിലെ ബിജെപി സ്ഥാനാർഥിയെ തോൽപ്പിക്കാൻ പരസ്യമായി ശ്രമിച്ചതിനാണ് വി.പി ആനന്ദിനെ പുറത്താക്കിയത്. കാഞ്ഞിരംപാറ വാർഡിലെ സ്ഥാനാർത്ഥിക്കെതിരെ സുനിൽ കുമാർ പാർട്ടി വിരുദ്ധ പ്രവർത്തനം നടത്തിയതായി തെളിഞ്ഞു. മുടവൻമുഗൾ വാർഡിലെ പാർട്ടി സ്ഥാനാർഥിയുടെ പരാജയത്തിനായി രാജ് കുമാർ പ്രവർത്തിച്ചുവെന്നും കണ്ടെത്തി.

ALSO READ: കെ.എഫ്.സി വായ്പാ തട്ടിപ്പ്; 12 മണിക്കൂർ നീണ്ട ചോദ്യം ചെയ്യൽ; പി.വി അൻവറിനെ ഇഡി വിട്ടയച്ചു

ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖറിന്റെ അംഗീകാരത്തോടെയാണ് നടപടിയെന്ന് ജില്ലാ പ്രസിഡന്റ് കരമന ജയൻ അറിയിച്ചു. തദ്ദേശ തെരഞ്ഞെടുപ്പിൽ എൽഡിഎഫിൽ നിന്നും തിരുവനന്തപുരം കോർപ്പറേഷൻ ബിജെപി പിടിച്ചെടുത്തിരുന്നു. ഇതിന് പിന്നാലെയാണ് പാർട്ടിക്കുള്ളിലെ ആഭ്യന്തര പ്രശ്നങ്ങളിലും അച്ചടക്ക ലംഘനങ്ങളിലും കർശന നടപടിയുമായി നേതൃത്വം മുന്നോട്ട് പോകുന്നത്.

The BJP district leadership has suspended three leaders from the party's primary membership for allegedly working to defeat official candidates during the local body elections. The decision was announced by District President Karamana Jayan, with the formal approval of State President Rajeev Chandrasekhar.