തിരുവനന്തപുരം: വരാനിരിക്കുന്ന നിയമസഭാ തെരഞ്ഞെടുപ്പിൽ എൽഡിഎഫ് മികച്ച വിജയം നേടുമെന്ന് മുഖ്യമന്ത്രി പിണറായി വിജയൻ. കേരളത്തിലെ ഇപ്പോഴത്തെ സാഹചര്യം എൽഡിഎഫിന് അനുകൂലമാണെന്നും കൂടുതൽ സീറ്റുകൾ നേടി അധികാരത്തിൽ തിരിച്ചെത്താൻ കഴിയുമെന്നും അദ്ദേഹം ആത്മവിശ്വാസം പ്രകടിപ്പിച്ചു.

തദ്ദേശ തെരഞ്ഞെടുപ്പിലുണ്ടായ തോൽവി ചില പ്രത്യേക സാഹചര്യങ്ങൾ മൂലമായിരുന്നു. എന്നാൽ നിയമസഭാ തെരഞ്ഞെടുപ്പിൽ ജനങ്ങൾ അത് തിരുത്തുമെന്നും എൽഡിഎഫിനെ പിന്തുണയ്ക്കുമെന്നും അദ്ദേഹം പറഞ്ഞു.

ALSO READ: കേരളം ടോപ് ഗിയറിൽ: 2025-ൽ രജിസ്റ്റർ ചെയ്തത് 8.78 ലക്ഷം വാഹനങ്ങൾ; വിൽക്കപ്പെടുന്ന 10 വാഹനങ്ങളിൽ ഒന്ന് ഇലക്ട്രിക്

കഴിഞ്ഞ പത്ത് വർഷത്തിനിടെ കേരളത്തിലുണ്ടായ വികസനവും അനുഭവങ്ങളും വിലയിരുത്തിയാകും ജനങ്ങൾ വോട്ട് ചെയ്യുക. പത്ത് വർഷം മുൻപത്തെ കേരളത്തിന്റെ അവസ്ഥയും ഇന്നത്തെ മാറ്റങ്ങളും ജനങ്ങൾ താരതമ്യം ചെയ്യുമെന്ന് അദ്ദേഹം ഓർമ്മിപ്പിച്ചു.

വ്യക്തമായ കാരണങ്ങളുടെ അടിസ്ഥാനത്തിലാണ് എൽഡിഎഫ് കൂടുതൽ സീറ്റുകൾ നേടുമെന്ന് ഉറച്ചു വിശ്വസിക്കുന്നതെന്നും മുഖ്യമന്ത്രി കൂട്ടിച്ചേർത്തു.

Chief Minister Pinarayi Vijayan expressed strong confidence that the Left Democratic Front (LDF) will achieve a significant victory in the upcoming Assembly elections. Highlighting that the current political climate in Kerala is highly favorable for the Left, the CM stated that the front expects to return to power with an even greater number of seats.