ന്യൂഡല്‍ഹി: കേന്ദ്ര റെയില്‍വേ മന്ത്രിയായിരിക്കെ ജോലിക്ക് പകരമായി ഭൂമി കൈപ്പറ്റിയെന്ന കേസില്‍ രാഷ്ട്രീയ ജനതാദള്‍(ആര്‍.ജെ.ഡി) നേതാവ് ലാലു പ്രസാദ് യാദവിനും കുടുംബത്തിനും തിരിച്ചടി. ലാലുവിനും ഭാര്യ റാബ്രി ദേവിക്കും മക്കള്‍ക്കും എതിരെ ഡല്‍ഹി റോസ് അവന്യു കോടതി കുറ്റം ചുമത്തി. കുടുംബം ക്രിമിനല്‍ സിന്‍ഡിക്കേറ്റായി പ്രവര്‍ത്തിച്ചുവെന്ന് കോടതി വ്യക്തമാക്കി. 

2004 മുതല്‍ 2009 വരെ കേന്ദ്ര റെയില്‍വേ മന്ത്രിയായിരിക്കെ, ലാലു പ്രസാദും കുടുംബവും ഇന്ത്യന്‍ റെയില്‍വേയില്‍ നിയമനം നടത്തിയതിന് പകരമായി ഭൂമി കൈപ്പറ്റിയെന്നാണ് കേസ്. പരസ്യങ്ങളോ വിജ്ഞാപനങ്ങളോ ഇല്ലാതെ രഹസ്യമായാണ് നിയമനങ്ങള്‍ നടത്തിയിരുന്നതെന്ന് സി.ബി.ഐ കണ്ടെത്തിയിരുന്നു. 

ലാലു പ്രസാദ് യാദവ്, ഭാര്യ റാബ്‌റി ദേവി, മക്കളായ തേജസ്വി യാദവ്, തേജ് പ്രതാപ് യാദവ്, പെണ്‍മക്കള്‍ മിസ ഭാരതി, ഹേമ യാദവ് എന്നിവര്‍ ഇനി കോടതിയില്‍ വിചാരണ നേരിടണം. അതേസമയം, ലാലുവും കുടുംബവും സമര്‍പ്പിച്ച കുറ്റവിമുക്തരാക്കണമെന്ന ഹരജി കോടതി തള്ളി. 

അഴിമതി നിരോധന നിയമപ്രകാരമാണ് കുറ്റം ചുമത്തിയിരിക്കുന്നത്. അഴിമതി, വഞ്ചന, ക്രിമിനല്‍ ഗൂഢാലോചന എന്നീ കുറ്റങ്ങള്‍ ചുമത്തിയിട്ടുണ്ട്. 

കേസില്‍ ഉള്‍പ്പെട്ട 98 പേരില്‍ 46 പേര്‍ക്കെതിരെ കുറ്റം ചുമത്തിയിട്ടുണ്ട്. അതേസമയം, 52 പ്രതികളെ വിട്ടയച്ചു. 

In a major setback for Rashtriya Janata Dal (RJD) chief Lalu Prasad Yadav and his family, a Delhi court has framed charges against them in the alleged “land-for-job” corruption case linked to railway recruitments. The Rouse Avenue Court held that Lalu Prasad Yadav, his wife Rabri Devi, and their children must face trial, observing that the family functioned as a “criminal syndicate.”