ന്യൂഡല്‍ഹി: തൃണമൂല്‍ കോണ്‍ഗ്രസിന്റെ രാഷ്ട്രീയ കണ്‍സള്‍ട്ടന്‍സി സ്ഥാപനമായ 'ഐ-പാക്' ഓഫിസില്‍ എന്‍ഫോഴ്‌സ്‌മെന്റ് ഡയറക്ടറേറ്റ്(ഇ.ഡി) നടത്തിയ റെയ്ഡിനെതിരെ ആഭ്യന്തരമന്ത്രി അമിത് ഷായുടെ ഓഫിസിനു പുറത്ത് പ്രതിഷേധിച്ച തൃണമൂല്‍ കോണ്‍ഗ്രസ് എം.പിമാരെ ഡല്‍ഹി പൊലിസ് കസ്റ്റഡിയിലെടുത്തു. മഹുവ മൊയ്ത്ര, ഡെറിക് ഒബ്രിയാന്‍ ഉള്‍പെടെയുള്ള എംപിമാരെയാണ് കസ്റ്റഡിയിലെടുത്തത്. അന്വേഷണ ഏജന്‍സിയെ കേന്ദ്രം ദുരുപയോഗം ചെയ്യുന്നുവെന്ന് ആരോപിച്ചായിരുന്നു പ്രതിഷേധം. 

ഇരുവരെയും പൊലിസ് വലിച്ചിഴക്കുന്നതിന്റെ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്. മോദിയുടെയും അമിത് ഷായുടെയും വൃത്തികെട്ട രാഷ്ട്രീയത്തെ തള്ളിക്കളയുന്നു എന്ന പ്ലക്കാര്‍ഡുകളുമേന്തിയായിരുന്നു തൃണമൂല്‍ കോണ്‍ഗ്രസ് എം.പിമാരുടെ പ്രതിഷേധം. ഇ.ഡി റെയ്ഡ് രാഷ്ട്രീയ ലക്ഷ്യം വെച്ചുള്ളതാണെന്ന് എം.പിമാര്‍ ചൂണ്ടിക്കാട്ടി.  പശ്ചിമ ബംഗാളിലെ തെരഞ്ഞെടുപ്പില്‍ പാര്‍ട്ടിയെ അവഹേളിക്കാനുള്ള നീക്കം കൂടിയാണ് റെയ്‌ഡെന്നും അവര്‍ കൂട്ടിച്ചേര്‍ത്തു.

''എങ്ങനെയാണ് ഇ.ഡിയെ ആഭ്യന്തര വകുപ്പ് ദുരുപയോഗം ചെയ്യുന്നത് എന്ന് പശ്ചിമ ബംഗാള്‍ മാത്രമല്ല ഇന്ത്യ മുഴുവനും കണ്ടു' മഹുവ മൊയ്ത്ര മാധ്യമങ്ങളോട് പ്രതികരിച്ചു. തൃണമൂല്‍ കോണ്‍ഗ്രസിന്റെ രാഷ്ട്രീയ സ്ട്രാറ്റജിക് വിവരങ്ങള്‍ കൊള്ളയടിക്കാനാണ് ഇ.ഡിയെ അവര്‍ അയച്ചിരിക്കുന്നതെന്ന് തുറന്നടിച്ച അവര്‍ തങ്ങളുടെ പാര്‍ട്ടിയുടെ സ്വത്തുക്കള്‍ മമത ബാനര്‍ജി സംരക്ഷിക്കുമെന്നും കൂട്ടിച്ചേര്‍ത്തു.

വ്യാഴാഴ്ചയാണ് ഐപാകിന്റെ(ഐ.പി.എ.സി) കൊല്‍ക്കത്തയിലെ ഓഫിസില്‍ ഇ.ഡി റെയ്ഡ് നടത്തിയത്. കല്‍ക്കരി ഇടപാടുമായി ബന്ധപ്പെട്ട ക്രമക്കേട് ആരോപിച്ചാണ് സാള്‍ട്ട് ലേക്കിലെ ഐപാക് ഓഫിസിലും ജെയിനിന്റെ ലൗഡന്‍ സ്ട്രീറ്റിലെ വസതിയിലും രാവിലെ ഏഴ് മുതല്‍ ഇ.ഡി പരിശോധന നടത്തിയത്.

ALSO READ: ബംഗാളില്‍ ഇ.ഡി - മമത പോര്, പ്രചാരണ ചുമതലയുള്ള ഐപാക് ആസ്ഥാനത്ത് റെയ്ഡ്, രഹസ്യങ്ങള്‍ ചോര്‍ത്താനെന്ന് ആരോപണം; ഇരുകൂട്ടരും കോടതിയില്‍, ഇ.ഡിക്കെതിരേ കേസും

ഇ.ഡി റെയ്ഡ് അറിഞ്ഞയുടന്‍ പാഞ്ഞെത്തിയ മുഖ്യമന്ത്രി മമത ബാനര്‍ജി ഏജന്‍സിയുടെ നടപടി പ്രതികാരമാണെന്ന് ആരോപിച്ച് പ്രതിഷേധിക്കുകയും ചെയ്തിരുന്നു. റെയ്ഡില്‍ പിടിച്ചെടുത്ത പാര്‍ട്ടി രേഖകള്‍ ഇ.ഡി ഉദ്യോഗസ്ഥരില്‍നിന്ന് മമത തിരികെ വാങ്ങിയെന്നും ഇ.ഡി റെയ്ഡ് നടക്കുന്നതിനിടെ ഐപാക് ഓഫിസില്‍നിന്ന് പുറത്തുവരുന്ന മമതയുടെ കൈവശമുള്ള പച്ചനിറത്തിലുള്ള ഫയല്‍, പാര്‍ട്ടിയുടെ രഹസ്യങ്ങളാണെന്നും പിന്നാലെ റിപ്പോര്‍ട്ടുകളും വന്നിരുന്നു.

തൃണമൂല്‍ കോണ്‍ഗ്രസിന്റെ ഐ.ടി വിഭാഗം, മീഡിയ സെല്‍ എന്നിവ കൈകാര്യം ചെയ്യുന്ന കണ്‍സള്‍ട്ടന്‍സി സ്ഥാപനമാണ് ഐപാക്. അര്‍ധ സൈനിക വിഭാഗത്തിന്റെ സാന്നിധ്യത്തിലായിരുന്നു റെയ്ഡ് നടത്തിയത്. റെയ്ഡില്‍ തൃണമൂല്‍ കോണ്‍ഗ്രസ് പാര്‍ട്ടിയുമായി ബന്ധപ്പെട്ട രേഖകളും ഡിജിറ്റല്‍ ഉപകരണങ്ങളും ഇ.ഡി പിടിച്ചെടുത്തു. റെയ്ഡ് നടക്കുന്നതിനിടെ ഉച്ചയോടെയാണ് പൊലിസ് അകമ്പടിയോടെ പ്രതീക് ജെയിനിന്റെ വസതിയില്‍ മുഖ്യമന്ത്രി എത്തിയത്. 

ALSO READ: ജോലിക്ക് ഭൂമി അഴിമതി:ലാലു പ്രസാദ് യാദവും കുടുംബവും കുറ്റക്കാരെന്ന് കോടതി, വിചാരണ നേരിടണം

പിന്നാലെ ഐപാക് ഓഫിസിലെത്തിയ മമത ഇ.ഡി ഉദ്യോഗസ്ഥരോട് റെയ്ഡിനെ കുറിച്ച് ആരാഞ്ഞു. കല്‍ക്കരി ഇടപാടുമായി ബന്ധപ്പെട്ട കേസിലാണ് റെയ്ഡെന്ന് ഇ.ഡി ഉദ്യോഗസ്ഥര്‍ വിശദീകരിച്ചെങ്കിലും തൃണമൂല്‍ കോണ്‍ഗ്രസുമായി ബന്ധപ്പെട്ട പാര്‍ട്ടി രേഖകള്‍ പിടിച്ചെടുത്തത് എന്തിനെന്ന് മുഖ്യമന്ത്രി ചോദിച്ചു. തുടര്‍ന്നാണ് ഉദ്യോഗസ്ഥരില്‍നിന്ന് മമത പാര്‍ട്ടിയുമായി ബന്ധപ്പെട്ട രേഖകDEREളും വസ്തുക്കളും തിരികെ വാങ്ങിയത്. 

trinamool congress mps including mahua moitra and derek o’brien were detained by delhi police while protesting outside amit shah’s office against the ed raid on the party-linked i-pac office, alleging misuse of central agencies for political vendetta.