ദുബൈ: 2027 ഓ​ഗസ്റ്റ് രണ്ടിന് ലോകം ഒരു അപൂർവ്വ ആകാശക്കാഴ്ചക്ക് സാക്ഷിയാകും. 21ാം നൂറ്റാണ്ടിലെ ഏറ്റവും ദൈർഘ്യമേറിയ സൂര്യ ​ഗ്രഹണം 2027 ഓ​ഗസ്റ്റ് രണ്ടിന് സംഭവിക്കും. 6 മിനിറ്റും 23 സെക്കൻഡുമാണ് ഈ ​ഗ്രഹണത്തിന്റെ ദൈർഘ്യം. 

എപ്പോൾ, എവിടെ കാണാം? 

സ്പേസ്.കോം റിപ്പോർട്ട് ചെയ്യുന്നതനുസരിച്ച് സ്പെയിൻ, മൊറോക്കോ, അൾജീരിയ, ടുണീഷ്യ, യെമൻ, സഊദി അറേബ്യ തുടങ്ങി മൂന്ന് ഭൂഖണ്ഡങ്ങളിലായി നിരവധി രാജ്യങ്ങളിൽ ​ഗ്രഹണം കാണാൻ സാധിക്കും. മാത്രമല്ല, ഈജിപ്തിലെ ലക്സർ പോലുള്ള ന​ഗരങ്ങൾ ആറ് മിനിറ്റിലധികം പൂർണ അന്ധകാരത്തിന് സാക്ഷ്യം വഹിക്കും. ഓ​ഗസ്റ്റിൽ തെളിഞ്ഞതും വരണ്ടതുമായ കാലാവസ്ഥ അനുഭവപ്പെടുന്നതിനാൽ, ഈജിപ്ത്, ലിബിയ തുടങ്ങിയ രാജ്യങ്ങൾ ​ഗ്രഹണം നിരീക്ഷിക്കാൻ ഏറ്റവും അനുയോജ്യമായ ഇടങ്ങളാണ്.  

അതേസമയം, ഓരോ രാജ്യങ്ങളിലെയും പ്രാദേശിക സമയത്തിനനുസരിച്ച് ​ഗ്രഹണ സമയത്തിലും വ്യത്യാസങ്ങൾ വരാം. സ്പെയിനിൽ പ്രാദേശിക സമയം ഉച്ചക്ക് 1.30 നും 2.00 നും ഇടയിലാണ് ​ഗ്രഹണം ദൃശ്യമാകുകയെങ്കിൽ, ഈജിപ്തിലും, ലിബിയയിലും ഉച്ചക്ക് 2.00 നും 2.30 നും ഇടയിലാണ് ​ഗ്രഹണം ദൃശ്യമാകുക. 

ALSO READ: ദക്ഷിണ യമനിൽ രാഷ്ട്രീയ പരിഹാരത്തിന് വഴിതുറക്കുന്നു; റിയാദ് സമ്മേളനം പ്രഖ്യാപിച്ച് സൗദി അറേബ്യ

എന്നാൽ, ഇന്ത്യയിലെ ജ്യോതിശാസ്ത്ര പ്രേമികൾക്ക് നിരാശപ്പെടേണ്ട സാഹചര്യമാണ്. ഇന്ത്യയിൽ ​ഭാ​ഗിക ​ഗ്രഹണം ദൃശ്യമാകാനുള്ള സാധ്യതയാണ് പ്രവചിക്കപ്പെടുന്നത്.

2026 ലെ പ്രധാന ജ്യോതി ശാസ്ത്ര സംഭവങ്ങൾ

ദുബൈ അസ്ട്രോണമി ​ഗ്രൂപ്പ് വ്യക്തമാക്കുന്നതനുസരിച്ച് 2026 ൽ ദുബൈയിൽ ടെലസ്കോപ്പ് ഉപയോ​ഗിക്കാതെ തന്നെ ഉൽക്കാവർഷങ്ങൾ, സൂപ്പർ മൂണുകൾ തുടങ്ങിയ ആകാശ വിസ്മയങ്ങൾ കാണാനാകും. അതേസമയം, 2026 ൽ യുഎഇയിൽ ഒരു ​ഗ്രഹണവും ദൃശ്യമാകുകയില്ല.

On August 2, 2027, the world will witness the 21st century's longest total solar eclipse, lasting 6 minutes and 23 seconds. The path of totality will traverse parts of Europe, Africa, and the Middle East, bringing total darkness to cities in Morocco, Egypt, and Saudi Arabia.