ന്യൂഡൽഹി: തെരുവുനായ ശല്യം സംബന്ധിച്ച കേസിൽ, മൃഗസ്‌നേഹികളുടെ വാദങ്ങളെ വീണ്ടും പരിഹസിച്ച് സുപ്രീംകോടതി. നായകളെ തുരത്താൻ പൂച്ചകളെ വളർത്താം എന്നായിരുന്നു സുപ്രീം കോടതിയുടെ പരിഹാസം, നായയും പൂച്ചയും തമ്മിലുള്ള ശത്രുതയെക്കുറിച്ചും കോടതി പരാമർശിച്ചു.

നായകൾ കടിക്കാതിരിക്കാൻ അവയ്ക്ക് ഇനി 'കൗൺസിലിംഗ്' നൽകേണ്ടി വരുമോ എന്ന് കഴിഞ്ഞ ദിവസം കോടതി ചോദിച്ചിരുന്നു. ഇതിന് പിന്നാലെയാണ് പുതിയ പരിഹാസം.

ആശുപത്രികൾ, സ്കൂളുകൾ, കോടതികൾ തുടങ്ങിയ പൊതുസ്ഥലങ്ങളിൽ തെരുവുനായ്ക്കൾ എന്തിനാണ് കറങ്ങിനടക്കുന്നതെന്ന് കോടതി ചോദിച്ചു. ഒരു നായ എപ്പോഴാണ് അക്രമാസക്തനാകുന്നത് എന്ന് മുൻകൂട്ടി പറയാൻ കഴിയില്ലെന്നും ജസ്റ്റിസുമാർ വ്യക്തമാക്കി.

ALSO READ: ശബരിമല സ്വർണക്കൊള്ള: തന്ത്രിക്കും മന്ത്രിക്കും തുല്യപങ്ക്; കടകംപള്ളിയെ ചോദ്യം ചെയ്തോ അതോ അഭിമുഖം നടത്തിയോ എന്ന് സണ്ണി ജോസഫ്

അതേസമയം, നായകളെ തിരിച്ചറിയാൻ ശരീരത്തിൽ മൈക്രോ ചിപ്പുകൾ ഘടിപ്പിക്കണമെന്ന മൃഗസ്‌നേഹികളുടെ ആവശ്യം കോടതി തള്ളി.

നായകളെ തെരുവുകളിൽ നിന്ന് പൂർണ്ണമായി ഒഴിവാക്കണമെന്നല്ല, മറിച്ച് നിയമപരമായ രീതിയിൽ അവയുടെ എണ്ണം നിയന്ത്രിക്കുകയാണ് വേണ്ടതെന്ന് കോടതി നിർദ്ദേശിച്ചു.

The Supreme Court of India took a sarcastic swipe at animal rights activists during a hearing on the stray dog menace. The Court jokingly suggested breeding cats to counter dogs and previously mocked the idea of providing "counseling" to aggressive canines. While questioning the presence of stray dogs in sensitive areas like schools and hospitals, the bench also rejected a plea to install microchips in stray animals, emphasizing the need for legal management over impractical solutions.