2026 ടി-20 ലോകകപ്പിനുള്ള തയ്യാറെടുപ്പിലാണ് മലയാളി സൂപ്പർതാരം സഞ്ജു സാംസൺ. ലോകകപ്പിനുള്ള ഇന്ത്യൻ ടീമിൽ ഫസ്റ്റ് ചോയിസ് വിക്കറ്റ് കീപ്പറായാണ് സഞ്ജു ഇടം നേടിയത്. ഇപ്പോൾ സഞ്ജു ഒരു പരിശീലനം നടത്തുന്ന ഒരു വീഡിയോയാണ് സോഷ്യൽ മീഡിയയിൽ തരംഗമായിരിക്കുന്നത്. ഇന്ത്യൻ ഇതിഹാസം യുവരാജ് സിങ്ങിനൊപ്പമാണ് സഞ്ജു പരിശീലനം നടത്തുന്നത്. നെറ്റ്സിൽ സഞ്ജുവിന് യുവരാജ് ബാറ്റിംഗ് നിർദേശം നൽകുന്നതാണ് വിഡീയയിൽ കാണാനാവുന്നത്. ഇതിഹാസ താരത്തിൽ നിന്നും ലഭിക്കുന്ന ടിപ്സ് സഞ്ജുവിന് ലോകകപ്പിൽ ഉപകാരപ്പെടുമെന്നാണ് പ്രതീക്ഷിക്കുന്നത്. 

നിലവിൽ നടന്നുകൊണ്ടിരിക്കുന്ന വിജയ് ഹസാരെ ട്രോഫിയിൽ കേരളത്തിനായി മിന്നും പ്രകടനമാണ് സഞ്ജു നടത്തിക്കൊണ്ടിരിക്കുന്നത്. ജാർഖണ്ഡിനെതിരെയുള്ള മത്സരത്തിൽ സെഞ്ച്വറി നേടി സഞ്ജു തിളങ്ങിയിരുന്നു. സഞ്ജു 95 പന്തിൽ നിന്നും ഒമ്പത് ഫോറുകളും മൂന്ന് സിക്സുകളും അടക്കം 101 റൺസും നേടിയാണ് മികവ് കാട്ടിയത്. 

സൂര്യകുമാർ യാദവിന്റെ കീഴിലാണ് ഇന്ത്യൻ ടീം ലോകകപ്പിനെത്തുന്നത്. ഇന്ത്യൻ ടി-20 ടീമിന്റെ വൈസ് ക്യാപ്റ്റനായിരുന്ന ശുഭ്മൻ ഗില്ലിന് ടീമിൽ ഇടം നേടാൻ സാധിച്ചില്ല. വിക്കറ്റ് കീപ്പർ ജിതേഷ് ശർമ്മക്കും ഇടം നേടാനായില്ല. സെക്കന്റ് വിക്കറ്റ് കീപ്പറായി ഇഷാൻ കിഷൻ ആണ് ടീമിലെത്തിയത്. സയ്യിദ് മുഷ്താഖ് അലി ട്രോഫിയിൽ ജാർഖണ്ഡിനായി മിന്നും പ്രകടനമാണ് ഇഷാൻ നടത്തിയത്. ഈ പ്രകടനമാണ് താരത്തെ വീണ്ടും ടീമിൽ എത്തിച്ചത്. 

2026 ടി-20 ലോകകപ്പിനുള്ള ഇന്ത്യൻ സ്‌ക്വാഡ്

സൂര്യകുമാർ യാദവ് (ക്യാപ്റ്റൻ), അഭിഷേക് ശർമ്മ, തിലക് വർമ്മ, ഹാർദിക് പാണ്ഡ്യ, ശിവം ദുബെ, അക്സർ പട്ടേൽ (വൈസ് ക്യാപ്റ്റൻ), ജസ്പ്രീത് ബുംറ, അർഷ്ദീപ് സിംഗ്, വരുൺ ചക്രവർത്തി, കുൽദീപ് യാദവ്, ഹർഷിത് റാണ, സഞ്ജു സാംസൺ (വിക്കറ്റ് കീപ്പർ), വാഷിംഗ്ടൺ സുന്ദർ, ഇഷാൻ കിഷൻ, റിങ്കു സിംഗ്.

Kerala Cricketer Sanju Samson is preparing for the 2026 T20 World Cup. Sanju has been named as the first-choice wicketkeeper in the Indian team for the World Cup. Now a video of Sanju doing a training session is going viral on social media. Sanju is training with Indian legend Yuvraj Singh.