മസ്കത്ത്: ഒമാനിൽ കടുത്ത തണുപ്പിന് സാധ്യതയെന്ന് കാലാവസ്ഥ നിരീക്ഷണകേന്ദ്രം. റിപ്പോർട്ടനുസരിച്ച്  ഒമാനിലെ 
ഉയർന്ന പർവത പ്രദേശങ്ങളിൽ  അന്തരീക്ഷ താപനില കുത്തനെ താഴാൻ ഇടയുണ്ടെന്ന് കാലാവസ്ഥാ വകുപ്പ് പ്രവചിച്ചു. നിലവിൽ രാജ്യത്ത് ശക്തമായ താപ വ്യതിയാനം  രേഖപ്പെടുത്തിയിട്ടുണ്ട്. രാജ്യത്തെ ഏറ്റവും താഴ്ന്ന താപനില ജബൽ ഷംസിൽ ആണ് അനുഭവപ്പെട്ടത്.

ALSO READ: 2026 ഫിഫാ വേള്‍ഡ് കപ്പ്;പുതിയ പാക്കേജുമായി ഖത്തര്‍ എയര്‍വേയ്‌സ്

ഈ വർഷത്തെ  തന്നെ ഏറ്റവും താഴ്ന്ന താപനിലയായ  -2.2 ഡിഗ്രി സെൽഷ്യസ്  ആണ് ഇവിടെ അടയാളപ്പെടുത്തിയത്. എന്നാൽ ഒമാനിലെ തെക്കൻ ഗവർണറേറ്റുകളിൽ‌ ഇപ്പോഴും ചൂട് നിലനിൽക്കുകയാണ്. ജബൽ ഷംസിന് പുറമെ  സൈഖ് പ്രദേശത്തും 3.4 ഡിഗ്രി സെൽഷ്യസ് തണുപ്പാണ് രേഖപ്പെടുത്തിയത്. മരുഭൂപ്രദേശങ്ങളിലും താപനില കുറഞ്ഞിട്ടുണ്ട്. മഖ്ഷൻ, ഹൈമ മേഖലകളിൽ കുറഞ്ഞ താപനില 9 മുതൽ 10 ഡിഗ്രി സെൽഷ്യസ് വരെ അടയാളപ്പെടുത്തി.

ALSO READ: പ്രതിരോധ സഹകരണം ശക്തിപ്പെടുത്തൽ; ഗൾഫ് ഷീൽഡിന്' സഊദി അറേബ്യയിൽ സമാപനം

രാത്രിയും പകൽസമയവും മൂടൽ മഞ്ഞിനും മേഘാവൃത അന്തരീക്ഷത്തിനും സാധ്യത ഉള്ളതിനാൽ ഗതാഗതം തടസ്സപ്പെടാൻ ഇടയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നൽകുന്നുണ്ട്. കൂടാതെ ഒമാനിലെ അൽ ധാഹിറ, അൽ ബുറൈമി മേഖലകളിലെ പ്രദേശ വാസികൾ പ്രത്യേക ജാഗ്രത പുലർത്തണമെന്നും മുന്നറിയിപ്പ് ഉണ്ട്