കൊച്ചി: കാക്കനാട് അത്താണിയിൽ സ്കൂൾ കുട്ടിയുടെ ബാഗിൽ മൂർഖൻ പാമ്പിനെ കണ്ടെത്തി. അത്താണി എളവക്കാട്ട് അബ്ദുൾ അസീസിന്റെ വീട്ടിലാണ് ഞെട്ടിക്കുന്ന സംഭവം നടന്നത്. തലനാരിഴയ്ക്കാണ് ഒന്നാം ക്ലാസുകാരൻ അപകടത്തിൽ നിന്നും രക്ഷപ്പെട്ടത്.

ഇന്നലെ വൈകിട്ട് ട്യൂഷൻ കഴിഞ്ഞെത്തിയ കുട്ടി തന്റെ ബാഗ് ഹാളിലെ മേശയ്ക്ക് താഴെയായിരുന്നു വെച്ചിരുന്നത്. ഇന്ന് രാവിലെ വീട് വൃത്തിയാക്കുന്നതിനിടെ വീട്ടുജോലിക്കാരി ഈ ബാഗ് മാറ്റാൻ ശ്രമിച്ചു. ഈ സമയത്താണ് ബാഗിന് അസാധാരണമായ ഭാരം അനുഭവപ്പെട്ടത്. സംശയം തോന്നി പരിശോധിച്ചപ്പോഴാണ് ഉള്ളിൽ ചുരുണ്ടുകൂടിയിരിക്കുന്ന മൂർഖനെ കണ്ടത്. പാമ്പിനെ കണ്ട് ഭയന്നുപോയ വീട്ടുകാർ ഉടൻ തന്നെ ബാഗ് മുറ്റത്തേക്ക് എറിയുകയും ചാക്കിട്ടു മൂടുകയും ചെയ്തു. തുടർന്ന് വനംവകുപ്പിന്റെ 'സർപ്പ' റെസ്ക്യൂ ടീമിനെ വിവരം അറിയിക്കുകയായിരുന്നു.

ALSO READ: നിങ്ങളുടെ ഇൻസ്റ്റാഗ്രാം അക്കൗണ്ട് സുരക്ഷിതമാണോ?; 1.75 കോടി ഉപഭോക്താക്കളുടെ വിവരങ്ങൾ ഡാർക്ക് വെബിൽ

വിവരമറിഞ്ഞ് സ്ഥലത്തെത്തിയ എളമക്കര സ്വദേശിയും പാമ്പ് പിടുത്ത വിദഗ്ധനുമായ റിൻഷാദ് അതീവ ജാഗ്രതയോടെ മൂർഖനെ പിടികൂടി. പാമ്പിനെ പിന്നീട് വനംവകുപ്പിന് കൈമാറി. പുറത്ത് അന്തരീക്ഷ താപനില വർദ്ധിച്ചപ്പോൾ തണുപ്പ് തേടി വീടിനുള്ളിൽ കയറിയ പാമ്പ് സുരക്ഷിതമായ ഒരിടം എന്ന നിലയിൽ ബാഗിനുള്ളിൽ അഭയം പ്രാപിച്ചതാകാം എന്നാണ് കരുതപ്പെടുന്നത്.

ശ്രദ്ധിക്കുക: വേനൽക്കാലം ആരംഭിക്കുന്നതോടെ പാമ്പുകൾ തണുപ്പുള്ള ഇടങ്ങൾ തേടി വീടിനുള്ളിലേക്ക് കയറാൻ സാധ്യതയുണ്ട്. ബാഗുകൾ, ഷൂസുകൾ എന്നിവ പരിശോധിച്ച ശേഷം മാത്രം ഉപയോഗിക്കുക.

A first-grade student in Athani, Kakkanad, had a miraculous escape after a cobra was discovered inside his school bag. The child had left the bag under a table after returning from tuition