ജിദ്ദ: സൗദി അറേബ്യയിലെ വിദ്യാലയങ്ങൾ ശൈത്യമധ്യ അവധിക്കാലത്തേക്ക് പ്രവേശിക്കാനിരിക്കെ, രാജ്യത്തിന്റെ വിവിധ ഭാഗങ്ങളിൽ കാലാവസ്ഥാ മാറ്റമുണ്ടാകുമെന്ന് ദേശീയ കാലാവസ്ഥാ നിരീക്ഷണ കേന്ദ്രത്തിന്റെ (NCM) മുന്നറിയിപ്പ്.

വടക്കൻ പ്രവിശ്യകളിലും തെക്കുപടിഞ്ഞാറൻ ഉയർന്ന പ്രദേശങ്ങളിലും രാത്രിയിലും പുലർച്ചെയും കഠിനമായ തണുപ്പ് അനുഭവപ്പെടാൻ സാധ്യതയുണ്ട്. ചിലയിടങ്ങളിൽ മൂടൽമഞ്ഞിനും മഞ്ഞു വീഴ്ചയ്ക്കും സാധ്യതയുണ്ടെന്നും മുന്നറിയിപ്പുണ്ട്. തബൂക്ക്, അൽ-ജൗഫ്, വടക്കൻ അതിർത്തികൾ, ഹാഇൽ, മക്ക, മദീന എന്നീ മേഖലകളിൽ ഈ ആഴ്ചയുടെ അവസാനത്തോടെ മഴയ്ക്ക് സാധ്യതയുണ്ട്.

ALSO READ: ജവാസാത്തിന്റെ കാര്യക്ഷമമായ ഇടപെടൽ; സൊകോത്രയിലെ വിനോദസഞ്ചാരികളുടെ യാത്രാ നടപടിക്രമങ്ങൾ പൂർത്തിയാക്കി

ആകാശം മേഘാവൃതമാകുമെന്നും, ഒപ്പം ശക്തമായ കാറ്റിനും സാധ്യതയുണ്ടെന്നും എൻ.സി.എം റിപ്പോർട്ട് ചൂണ്ടിക്കാട്ടുന്നു. പകൽ സമയങ്ങളിൽ തബൂക്ക്, അൽ-ജൗഫ്, ഹായിൽ, മക്ക, മദീന പ്രവിശ്യകളിൽ ശക്തമായ കാറ്റ് വീശാനും പൊടിപടലങ്ങൾ ഉയരാനും സാധ്യതയുണ്ട്. റിയാദ്, ഖസീം, കിഴക്കൻ പ്രവിശ്യ എന്നിവിടങ്ങളിലേക്കും വ്യാപിച്ചേക്കാം.

റോഡുകളിൽ കാഴ്ചപരിധി കുറയാൻ സാധ്യതയുള്ളതിനാൽ വാഹനയാത്രികർ ജാഗ്രത പാലിക്കണം. ജനങ്ങൾ അതീവ ജാ​ഗ്രത പാലിക്കണമെന്നും ഔദ്യോഗിക പ്ലാറ്റ്‌ഫോമുകൾ വഴി നൽകുന്ന കാലാവസ്ഥാ മുന്നറിയിപ്പുകൾ കൃത്യമായി പിന്തുടരണമെന്നും അധികൃതർ നിർദ്ദേശിച്ചു. 

As schools in Saudi Arabia begin their mid-winter break, the National Center of Meteorology (NCM) has issued a comprehensive weather warning for various regions. Intense cold, fog, and potential frost are expected in the northern provinces and southwestern highlands. The report predicts rainfall toward the end of the week in Makkah, Madinah, Tabuk, and Al-Jouf, accompanied by strong winds that may cause dust storms and reduced visibility in Riyadh and the Eastern Province.