ദുബൈ: വാട്‌സ്ആപ്പ് കോളുകളിലൂടെ സ്മാർട്ട്ഫോണുകളുടെ നിയന്ത്രണം ഏറ്റെടുക്കുന്ന 'സീറോ-ഡേ' (Zero-day) സൈബർ ആക്രമണങ്ങൾക്കെതിരെ യുഎഇയിലെ ബാങ്കിങ് ഉപഭോക്താക്കൾക്ക് മുന്നറിയിപ്പ് നൽകി അധികൃതർ. ഉപഭോക്താവ് കോൾ സ്വീകരിച്ചില്ലെങ്കിൽ പോലും ഫോണിലെ വിവരങ്ങൾ ചോർത്താൻ ഇതു വഴി തട്ടിപ്പുകാർക്ക് സാധിക്കുമെന്ന് എമിറേറ്റ്സ് എൻബിഡി പുറത്തിറക്കിയ വാർത്താക്കുറിപ്പിൽ വ്യക്തമാക്കുന്നു.

എന്താണ് 'സീറോ-ഡേ' ഭീഷണി?

ഒരു സോഫ്റ്റ്‌വെയറിലെ സുരക്ഷാ പിഴവുകൾ അവ നിർമ്മിച്ച കമ്പനിയുടെ ശ്രദ്ധയിൽപ്പെടുന്നതിന് മുൻപ് കണ്ടെത്തി ദുരുപയോഗം ചെയ്യുന്നതിനെയാണ് 'സീറോ-ഡേ' എന്ന് വിളിക്കുന്നത്. വാട്‌സ്ആപ്പിലെ കോളിംഗ് ഫീച്ചറിനെയാണ് ഹാക്കർമാർ ഇതിനായി മറയാക്കുന്നത്.

ALSO READ: ഷാർജയിൽ വൈദ്യുതി നിലച്ചതോടെ സിഗ്‌നലുകൾ പണിമുടക്കി; റോഡിലിറങ്ങി ട്രാഫിക് നിയന്ത്രിച്ച് ഡെലിവറി ബോയ്സ്, കയ്യടിച്ച് ലോകം 

അപരിചിതമായ നമ്പറുകളിൽ നിന്നുള്ള ഒറ്റ ഫോൺകോളിലൂടെ ഫോണിലേക്ക് നുഴഞ്ഞുകയറാൻ ഹാക്കർമാർക്ക് സാധിക്കും. മുൻ കാലങ്ങളിലെ പോലെ ലിങ്കുകളിൽ ക്ലിക്ക് ചെയ്യുകയോ സന്ദേശങ്ങൾ അയക്കുകയോ ചെയ്യേണ്ട ആവശ്യമില്ല.

സ്വകാര്യ ചിത്രങ്ങൾ, സംഭാഷണങ്ങൾ, ബാങ്ക് അക്കൗണ്ട് വിവരങ്ങൾ എന്നിവ ചോർത്തുകയാണ് ഇതുവഴി ഹാക്കർമാർ ലക്ഷ്യമിടുന്നത്. 

അവധിക്കാലത്താണ് ഇത്തരം പ്രശ്നങ്ങൾ വർധിക്കുന്നത്. യാത്രാ വിവരങ്ങളും ആശംസകളും കൈമാറുന്ന തിരക്കിനിടയിൽ ഇത്തരം കോളുകൾ ഉപഭോക്താക്കളുടെ ശ്രദ്ധയിൽപ്പെടാതെ പോകുന്നത് ഹാക്കർമാർക്ക് അനുകൂലമായ സാഹചര്യമൊരുക്കുന്നുവെന്ന് യുഎഇ സൈബർ സുരക്ഷാ കൗൺസിൽ നിരീക്ഷിച്ചു.

UAE banking giant Emirates NBD has issued an urgent advisory to customers regarding a sophisticated "zero-day" WhatsApp vulnerability. Cybercriminals are reportedly using a single voice call—which does not even need to be answered—to compromise smartphones and gain unauthorized access to private data. Unlike traditional phishing, this exploit requires zero interaction from the user, making it highly dangerous.