ജിദ്ദ: 2026 സ്പാനിഷ് സൂപ്പർ കപ്പിൽ റയൽ മാഡ്രിഡിനെ വീഴ്ത്തി ചാമ്പ്യന്മാരായിരിക്കുകയാണ് ബാഴ്സലോണ.   സഊദിയിലെ കിങ്ങ് അബ്ദുല്ല അസീസ് സ്പോർട്സ് സിറ്റിയിൽ നടന്ന ഫൈനലിൽ 3-2 എന്ന സ്കോറിനാണ് ബാഴ്സലോണ വിജയിച്ചു കയറിയത്. തങ്ങളുടെ 16-ാം സൂപ്പർ കപ്പ് കിരീടമാണ് ഈ വിജയത്തിലൂടെ ബാഴ്സ സ്വന്തമാക്കിയത്. കഴിഞ്ഞ തവണത്തെ ഫൈനലിൽ ബാഴ്സലോണ റയലിനെ 5-2 ന് തോൽപ്പിച്ചിരുന്നു. 

ഈ വിജയത്തോടെ ഫൈനലിലെ തന്റെ അപരാജിത കുതിപ്പ് നിലനിർത്താനും ബാഴ്സ പരിശീലകൻ ഹാൻസി ഫ്ലിക്കിന് സാധിച്ചു. ജർമൻ മാനേജരുടെ എട്ടാം ഫൈനൽ വിജയമായിരുന്നു ഇത്. താൻ ഫൈനലിലേക്ക് കൈപ്പിടിച്ചുയർത്തിയ ടീമുകൾ ഒന്നും തന്നെ പരാജയപ്പെട്ടില്ലെന്ന റെക്കോർഡും ഈ വിജയത്തിലൂടെ സജീവമാക്കി മാറ്റിയിരിക്കുകയാണ് ബാഴ്സ പരിശീലകൻ. 

മത്സരത്തിൽ ബാഴ്സക്കായി ബ്രസീലിയൻ സൂപ്പർ താരം റാഫീഞ്ഞ രണ്ട് ​ഗോൾ നേടിയപ്പോൾ, പോളിഷ് സ്ട്രൈക്കർ ലെവൻഡോസ്കിയായിരുന്നു മറ്റൊരു ​ഗോൾ നേടിയത്. ബ്രസീലിയൻ സൂപ്പർ താരം വിനീഷ്യസ് ജൂനിയർ, സ്പാനിഷ് യുവതാരം ​ഗോൺസാലോ ​ഗാർഷ്യ എന്നിവരാണ് റയലിനായി ​ഗോൾ നേടിയത്.

ടൂർണമെന്റിന്റെ സെമി ഫൈനലിൽ അത്‌ലറ്റിക് ബിൽബാവോയെ എതിരില്ലാത്ത അഞ്ച് ഗോളുകൾക്ക് തകർത്താണ് ബാഴ്സ ഫൈനലിൽ എത്തിയത്. ലാ ലിഗയിലും മികച്ച മുന്നേറ്റമാണ് കറ്റാലന്മാർ നടത്തികൊണ്ടിരിക്കുന്നത്. നിലവിൽ സ്പാനിഷ് ലീഗ് പോയിന്റ് പട്ടികയിൽ ഒന്നാമതാണ് ബാഴ്സ.

Barcelona have become champions after defeating Real Madrid in the 2026 Spanish Super Cup. Barcelona defeated Real 5-2 in the last final. With this victory, Barca coach Hansi Flick was able to maintain his unbeaten run in the final. This was the German manager's eighth final victory. With this victory, the Barca coach also kept alive the record of not losing any of the teams he has taken into the final.