ദുബൈ: വര്‍ഷാരംഭത്തില്‍ വമ്പന്‍ ഓഫറുമായി ഇത്തിഹാദ് എയര്‍വേയ്‌സ്. 2026-ലേക്കുള്ള യാത്രകൾക്കായി പ്രഖ്യാപിച്ച 'ഗ്ലോബൽ സെയിലിൽ' ടിക്കറ്റ് നിരക്കുകളിൽ 26 ശതമാനം വരെ കിഴിവാണ് ഓഫർ ചെയ്തിരിക്കുന്നത്. ജനുവരി 15 വരെ നീണ്ടുനില്‍ക്കുന്ന സെയിലിലൂടെ എടുക്കുന്ന ടിക്കറ്റുകള്‍ ഉപയോഗിച്ച് ഈ വര്‍ഷം ഫെബ്രുവരി 5-നും സെപ്റ്റംബര്‍ 5-നും ഇടയില്‍ യാത്ര ചെയ്യാം.

'അബൂദബി സന്ദര്‍ശിക്കാനായി ലോകമെമ്പാടുള്ള സഞ്ചാരികളെ ഇത്തിഹാദ് ക്ഷണിക്കുന്നു,' സ്റ്റോപ്പ് ഓവര്‍ ഹബ്ബ് എന്ന നിലയില്‍ വര്‍ദ്ധിച്ചു വരുന്ന എമിറേറ്റിന്റെ പ്രാധാന്യം ചൂണ്ടിക്കാട്ടി കമ്പനി അധികൃതര്‍ പറഞ്ഞു.

ഷാർലറ്റ്, ക്രാബി, ഹോങ്കോംഗ്, തായ്‌പേയ് തുടങ്ങിയ ജനപ്രിയ നഗരങ്ങളിലേക്കുള്ള സർവീസുകളാണ് ഇത്തവണത്തെ വിൽപനയിലെ പ്രധാന ആകർഷണങ്ങൾ. കുറഞ്ഞ നിരക്കിൽ ടിക്കറ്റ് ബുക്ക് ചെയ്യുന്നവർക്കും ഇത്തിഹാദിന്റെ മികച്ച ഇക്കണോമി ക്യാബിൻ സേവനങ്ങളും വിമാനത്തിനുള്ളിലെ ഭക്ഷണവും ലഭ്യമാകുമെന്ന് അധികൃതർ വ്യക്തമാക്കി.

ALSO READ: യാത്രക്കാരെ ദുരിതത്തിലാക്കി ഇൻഡിഗോ; ഉച്ചയ്ക്ക് 1.20-ന് പുറപ്പെടേണ്ട വിമാനം വൈകിയത് നാല് മണിക്കൂറുകളോളം 

റെക്കോർഡ് നേട്ടവുമായി ഇത്തിഹാദ്

അസാമാന്യമായ വളർച്ചാ നിരക്കുമായാണ് ഇത്തിഹാദ് 2026-ലേക്ക് പ്രവേശിക്കുന്നത്. 2025-ൽ റെക്കോർഡ് നേട്ടമാണ് കമ്പനി കൈവരിച്ചത്. കഴിഞ്ഞ വർഷം 22.4 ദശലക്ഷം യാത്രക്കാരാണ് ഇത്തിഹാദിൽ പറന്നത്. കമ്പനിയുടെ ചരിത്രത്തിലെ ഏറ്റവും ഉയർന്ന നിരക്കാണിത്.

മുൻ വർഷത്തെ അപേക്ഷിച്ച് യാത്രക്കാരുടെ എണ്ണത്തിൽ 21% വർധനവുണ്ടായി. ഡിസംബർ മാസത്തിൽ മാത്രം 2.2 ദശലക്ഷം പേർ യാത്ര ചെയ്തതോടെ പുതിയ പ്രതിമാസ റെക്കോർഡും പിറന്നു.

കഴിഞ്ഞ വർഷം കമ്പനിയുടെ സർവീസുകൾ 94-ൽ നിന്നും 110 നഗരങ്ങളിലേക്ക് വ്യാപിപ്പിച്ചിരുന്നു. യൂറോപ്പ്, ഏഷ്യ, മിഡിൽ ഈസ്റ്റ് എന്നിവിടങ്ങളിലേക്ക് യുഎഇയിൽ നിന്നും നേരിട്ടുള്ള കണക്റ്റിവിറ്റി ഇത് വർദ്ധിപ്പിച്ചു.

ALSO READ: പ്രക്ഷോഭത്തിൽ ഉലഞ്ഞ് ഇറാൻ; വ്യോമഗതാഗതം അനിശ്ചിതത്വത്തിൽ, പ്രമുഖ വിമാനക്കമ്പനികൾ സർവീസ് റദ്ദാക്കുന്നത് തുടരുന്നു 

വിപുലമായ വിമാനശേഖരം

യാത്രക്കാരുടെ തിരക്ക് പരിഗണിച്ച് വലിയ രീതിയിലുള്ള വിമാന വിപുലീകരണവും കമ്പനി നടത്തി. 2025-ൽ മാത്രം 29 പുതിയ വിമാനങ്ങൾ കൂടി ഉൾപ്പെടുത്തിയതോടെ ഇത്തിഹാദിന്റെ ആകെ വിമാനങ്ങളുടെ എണ്ണം 127 ആയി ഉയർന്നു. അബൂദബിയിലേക്കുള്ള വിനോദസഞ്ചാരികളുടെയും ബിസിനസ് യാത്രക്കാരുടെയും വർധിച്ചുവരുന്ന ആവശ്യകത നിറവേറ്റാൻ ഈ വിപുലീകരണം സഹായിച്ചതായി കമ്പനി അറിയിച്ചു.

etihad airways has launched its 2026 global sale offering discounted fares across multiple international destinations making this the ideal time for travelers to book tickets enjoy premium services and plan early journeys with significant savings and flexible travel options