കൊച്ചി: കേരള സർവ്വകലാശാല വൈസ് ചാൻസലറും മുൻ രജിസ്ട്രാറും തമ്മിലുള്ള പോരിൽ വിസിക്ക് ഹൈക്കോടതിയിൽ നിന്ന് തിരിച്ചടി. മുൻ രജിസ്ട്രാർ ഡോ. കെ.എസ്. അനിൽകുമാറിന് വിസി മോ​ഹൻ കുന്നുമ്മൽ നൽകിയ കുറ്റാരോപണ നോട്ടീസ് ഹൈക്കോടതി സ്റ്റേ ചെയ്തു. നോട്ടീസിന്മേൽ തുടർനടപടികൾ പാടില്ലെന്ന് സിംഗിൾ ബെഞ്ച് ഉത്തരവിട്ടു.

ALSO READ: സംസ്ഥാനത്ത് പുതിയ എച്ച്ഐവി ബാധിതരിൽ 15% 15-24 പ്രായപരിധിയിലുള്ളവർ; ജാഗ്രതാ നിർദ്ദേശവുമായി ആരോ​ഗ്യമന്ത്രി

അനിൽകുമാർ സമർപ്പിച്ച ഹരജി പരിഗണിച്ചുകൊണ്ടാണ് കോടതിയുടെ നിർണ്ണായക ഇടപെടൽ. സർവ്വകലാശാലാ ചട്ടം 10/13 പ്രകാരം ഇത്തരമൊരു നോട്ടീസ് നൽകാൻ വിസിക്ക് അധികാരമുണ്ടോ എന്ന് വിശദീകരിക്കാൻ ഹൈക്കോടതി നിർദ്ദേശിച്ചിട്ടുണ്ട്.

ALSO READ: കിടപ്പുമുറിയിൽ കുത്തേറ്റ നിലയിൽ ഷേർളി, ഹാളിൽ ജോബിന്റെ മൃതദേഹം; കാഞ്ഞിരപ്പള്ളിയിൽ നാടിനെ നടുക്കിയ അരുംകൊല

സസ്പെൻഷൻ കാലയളവിൽ ഫയലുകൾ കൈകാര്യം ചെയ്തു എന്ന് ആരോപിച്ചാണ് അനിൽകുമാറിനെതിരെ വിസി മോ​ഹൻ കുന്നുമ്മൽ നോട്ടീസ് അയച്ചത്. ഭാരതാംബ വിവാദത്തെത്തുടർന്നാണ് രജിസ്ട്രാറും വിസിയും തമ്മിലുള്ള ഭിന്നത രൂക്ഷമായത്. ഇത് പിന്നീട് സർക്കാരും വിസിയും തമ്മിലുള്ള വലിയ തർക്കമായി മാറുകയായിരുന്നു.

നേരത്തെ അനിൽകുമാറിനെ വിസി സസ്പെൻഡ് ചെയ്തിരുന്നു. ഗവർണർ ഈ നടപടി ശരിവെച്ചിരുന്നെങ്കിലും ഇതിനെതിരെ അനിൽകുമാർ കോടതിയെ സമീപിച്ചു. ഇതിനിടെ അനിൽകുമാറിന്റെ ഡെപ്യൂട്ടേഷൻ അവസാനിപ്പിച്ച് സർക്കാർ അദ്ദേഹത്തെ ശാസ്താംകോട്ട ഡിബി കോളേജിലേക്ക് പ്രിൻസിപ്പാളായി മാറ്റി നിയമിച്ചിരുന്നു.

വിസിയുടെ നടപടിക്രമങ്ങളിൽ ചട്ടലംഘനമുണ്ടോ എന്ന ചോദ്യമാണ് ഹൈക്കോടതി ഇപ്പോൾ പ്രധാനമായും ഉയർത്തുന്നത്. കേസിലെ തുടർവാദങ്ങൾ സർവ്വകലാശാലാ ഭരണരംഗത്ത് നിർണ്ണായകമാകും.

The Kerala High Court has delivered a significant blow to the Vice-Chancellor (VC) of Kerala University, Dr. Mohanan Kunnummal, by staying a show-cause notice issued to the university's former registrar (or joint registrar acting in that capacity