തിരുവനന്തപുരം: കെ.ബാബുവിന്റെ വിദേശയാത്ര അന്വേഷിക്കുന്നതിന്റെ ഭാഗമായി എമിഗ്രേഷന്‍ വിഭാഗം ഓഫിസര്‍ക്ക് വിജിലന്‍സ് ഡയറക്ടര്‍ ജേക്കബ് തോമസ് കത്തുനല്‍കി. ബാബുവിന്റെയും ബന്ധുക്കളുടെയും പേഴ്‌സണല്‍ സ്റ്റാഫ് നന്ദകുമാറിന്റെയും വിദേശയാത്രകള്‍ സംബന്ധിച്ച വിവരങ്ങള്‍ ആവശ്യപ്പെട്ടാണ് കത്തുനല്‍കിയത്.  
ബാബുവിന് ഇപ്പോള്‍ കോടതിയിലിരിക്കുന്ന പാസ്‌പോര്‍ട്ട് കൂടാതെ വേറെ ഉണ്ടോയെന്നും പരിശോധിക്കുന്നുണ്ട്. കൂടാതെ മക്കളുടെയും ബിനാമികളുടെയും പാസ്‌പോര്‍ട്ട് കണ്ടെത്താന്‍ വിജിലന്‍സിന് ഇതുവരെ കഴിഞ്ഞിട്ടുമില്ല. ഇതേത്തുടര്‍ന്നാണ് എമിഗ്രേഷനില്‍നിന്ന് വിവരം ആരായുന്നത്.