കൊല്ലം: ജില്ലയിലെ മേവറത്ത് പ്രവർത്തിക്കുന്ന സ്വകാര്യ ട്യൂഷൻ സെൻ്ററിൽ പ്ലസ് വൺ വിദ്യാർഥിയെ അധ്യാപകൻ ക്രൂരമായി മർദിച്ചതായി പരാതി. മേവറത്തെ 'വിങ്സ്' എന്ന സ്ഥാപനത്തിലെ അധ്യാപകനെതിരെയാണ് വിദ്യാർഥിയുടെ രക്ഷിതാക്കൾ പൊലിസിൽ പരാതി നൽകിയത്.

പഠനവിഷയങ്ങളിലെ റിവിഷൻ പൂർത്തിയാകാത്തത് വിദ്യാർഥി ചോദ്യം ചെയ്തതാണ് അധ്യാപകനെ ചൊടിപ്പിച്ചത്. ഇതിനെത്തുടർന്നുണ്ടായ തർക്കത്തിനൊടുവിലാണ് വിദ്യാർഥിയെ അധ്യാപകൻ ക്രൂരമായി മർദിക്കുകയായിരുന്നുവെന്ന് കുടുംബം ആരോപിക്കുന്നു.

അധ്യാപകന്റെ മർദനത്തിൽ കൈയ്ക്ക് ഗുരുതരമായി പരുക്കേറ്റ വിദ്യാർഥിയെ കൊല്ലം ജില്ലാ ആശുപത്രിയിൽ പ്രവേശിപ്പിച്ചു. നിലവിൽ വിദ്യാർഥി  ചികിത്സയിലാണ്. സംഭവത്തിൽ പൊലിസ് അന്വേഷണം ആരംഭിച്ചിട്ടുണ്ട്.

A Plus One student was allegedly brutally assaulted by a teacher at a private tuition centre named 'Wings' in Mevaram, Kollam. The incident reportedly occurred when the student questioned the delay in completing revision lessons. The student, who sustained injuries to his hand, has been admitted to the District Hospital for treatment. The parents have filed an official complaint against the institution.