2026 ടി-20 ലോകകപ്പിനുള്ള ഇന്ത്യൻ ടീമിൽ ഇടം നേടാൻ സാധിക്കാത്തതിൽ പ്രതികരണവുമായി വിക്കറ്റ് കീപ്പർ ജിതേഷ് ശർമ്മ. ടീം പ്രഖ്യാപിക്കുന്നതിന് മുമ്പായി തന്നോട് ഇതിനെക്കുറിച്ച് പറഞ്ഞില്ലായിരുന്നെന്നാണ് ജിതേഷ് പറഞ്ഞത്. ടീമിൽ ഇടം നേടാൻ സാധിക്കാത്തത് ഹൃദയഭേദകമാണെന്നും ജിതേഷ് വ്യക്തമാക്കി. 

''ടീം പ്രഖ്യാപിക്കുന്നതിന് മുമ്പ് വരെ എന്നെ ഒഴിവാക്കിയതിനെക്കുറിച്ച് എനിക്ക് അറിയില്ലായിരുന്നു. ഇതിനു ശേഷം സെലക്ടർമാർ നൽകിയ വിശദീകരണത്തോട് ഞാൻ യോജിച്ചു. അതൊരു ന്യായമായ കാര്യമായിരുന്നു. പിന്നീട് പരിശീലകരുമായും സെലക്ടർമാരുമായും ഞാൻ ചർച്ച നടത്തി. അവർ എനിക്ക് കാര്യങ്ങൾ കൃത്യമായി വിശദീകരിച്ചു നൽകി. ടി-20 ലോകകപ്പിൽ കളിക്കാൻ ഞാൻ ഒരുപാട് കഠിനാധ്വാനം ചെയ്തതിനാൽ ഇത് വളരെ ഹൃദയഭേദകമായിരുന്നു. ഇത് വിധിയാണ്. ആ നിമിഷം ഞാൻ മരവിച്ചുപോയി'' ജിതേഷ് ശർമ്മ ക്രിക് ട്രാക്ടറിന് നൽകിയ അഭിമുഖത്തിൽ പറഞ്ഞു.

ലോകകപ്പ് ടീമിൽ വിക്കറ്റ് കീപ്പറായി മലയാളി താരം സഞ്ജു സാംസണും ഇഷാൻ കിഷനുമാണ് ഇടം നേടിയത്. സയ്യിദ് മുഷ്താഖ് അലി ട്രോഫിയിൽ ജാർഖണ്ഡിനായി മിന്നും പ്രകടനം നടത്തിയതിന് പിന്നാലെയാണ് ഇഷാൻ കിഷൻ വീണ്ടും ഇന്ത്യൻ ടീമിൽ എത്തിയത്. 

2026 ടി-20 ലോകകപ്പിനുള്ള ഇന്ത്യൻ സ്‌ക്വാഡ്

സൂര്യകുമാർ യാദവ് (ക്യാപ്റ്റൻ), അഭിഷേക് ശർമ്മ, തിലക് വർമ്മ, ഹാർദിക് പാണ്ഡ്യ, ശിവം ദുബെ, അക്സർ പട്ടേൽ (വൈസ് ക്യാപ്റ്റൻ), ജസ്പ്രീത് ബുംറ, അർഷ്ദീപ് സിംഗ്, വരുൺ ചക്രവർത്തി, കുൽദീപ് യാദവ്, ഹർഷിത് റാണ, സഞ്ജു സാംസൺ (വിക്കറ്റ് കീപ്പർ), വാഷിംഗ്ടൺ സുന്ദർ, ഇഷാൻ കിഷൻ, റിങ്കു സിംഗ്.

Indian Wicketkeeper Jitesh Sharma has reacted to not being able to make it to the Indian team for the 2026 T20 World Cup. Jitesh said that he was not told about this before the team was announced. Jitesh also said that not being able to make it to the team is heartbreaking.