കരിപ്പൂര്‍: മലബാറിലേക്കുള്ള സര്ഡവീസുകള്‍ വര്‍ധിപ്പിക്കാന്‍ ഒരുങ്ങി എയര്‍ ഇന്ത്യ എക്‌സ്പ്രസ്. കോഴിക്കോട്-കുവൈത്ത്, കോഴിക്കോട്-സലാല എന്നൂ റൂട്ടുകളില്‍ സര്‍വീസ് ആരംഭിക്കുന്നതോടെ 5 അധിക സര്‍വീസുകളാണുണ്ടാവുക.

കോഴിക്കോട്-സലാല, കോഴിക്കോട്-കുവൈത്ത് റൂട്ടുകളില്‍ മാര്‍ച്ചിലാണ് സര്‍വീസ് പുനഃരാരംഭിക്കുക. മാര്‍ച്ച് ഒന്ന് മുതല്‍ ആഴ്ചയില്‍ മൂന്ന് സര്‍വീസുകളാകും കുവൈത്തിലേക്ക് ഉണ്ടാവുക. ഞായര്‍, ബുധന്‍, വെള്ളി ദിവസങ്ങളിലാകും സര്‍വീസ് നടത്തുക.

ALSO READ: അഗ്നിബാധ മുന്നറിയിപ്പ്; സിംഗപ്പൂരിലേക്ക് പോയ എയർ ഇന്ത്യയുടെ ഡ്രീംലൈനർ വിമാനം ഡൽഹിയിൽ തിരിച്ചിറക്കി 

കോഴിക്കോട് നിന്നും രാത്രി 9.10നു പുറപ്പെടുന്ന വിമാനം 12.10ന് കുവൈത്തില്‍ എത്തിച്ചേരും. പുലര്‍ച്ചെ 1.10നു പുറപ്പെട്ട് രാവിലെ 8.55ന് വിമാനം കോഴിക്കോട്ടെത്തും.

കോഴിക്കോട്-സലാല സര്‍വീസും മാര്‍ച്ച് മൂന്നിന് ആരംഭിക്കും. ചൊവ്വ, ശനി ദിവസങ്ങളിലായി ആഴ്ചയില്‍ 2 സര്‍വീസാകും നടത്തുക. 

ALSO READ: പശ്ചിമേഷ്യയിൽ യുദ്ധഭീതി തുടരുന്നു; ഇറാൻ വ്യോമപാത അടച്ചതിനുപിന്നാലെ രാജ്യത്തേക്കുള്ള സർവീസുകൾ നിർത്തിവെച്ച് ഫ്ലൈദുബൈ 

കോഴിക്കോട് നിന്നു പുറപ്പെടുന്ന രാവിലെ 10.20ന് പുറപ്പെടും. പ്രാദേശിക സമയം 1.10ന് സലാലയില്‍ എത്തിച്ചേരും. തിരികെ 2.20ന് പുറപ്പെടുന്ന വിമാനം വൈകീട്ട് 7.55ന് കോഴിക്കോട് എത്തിച്ചേരും. സഊദി സര്‍വീസുമായി ആകാശ എയറും മലബാര്‍ സെക്ടറിലേക്ക് വൈകാതെ എത്തുമെന്നാണ് പ്രതീക്ഷിക്കപ്പെടുന്നത്.

air india express is set to increase flight services from kozhikode to kuwait and salalah, bringing major relief to expatriates by improving connectivity, travel options, and seat availability on popular gulf routes.