തിരുവനന്തപുരം: നിയമസഭാ തെരഞ്ഞെടുപ്പ്  വരാനിരിക്കെ കേരള രാഷ്ട്രീയത്തെ പിടിച്ചുലച്ചേക്കാവുന്ന വമ്പൻ മുന്നണി മാറ്റ നീക്കം മുഖ്യമന്ത്രി പിണറായി വിജയൻ്റെ തന്ത്രപരമായ ഇടപെടലിലൂടെ പാളി. എൽഡിഎഫ് വിട്ട് യുഡിഎഫിലേക്ക് തിരികെ പോകാനുള്ള ജോസ് കെ മാണിയുടെ നീക്കമാണ് മുഖ്യമന്ത്രി നേരിട്ട് ഇടപെട്ട് തടഞ്ഞത്.

ALSO READ: മഹാരാഷ്ട്രയിലെ കോർപ്പറേഷൻ തെരഞ്ഞെടുപ്പിൽ 'കൈവിട്ട കളി'; വിരലിൽ പുരട്ടുന്ന മായാത്ത മഷിക്ക് പകരം മാർക്കർ പേന; തെരഞ്ഞെടുപ്പ് കമ്മിഷനെതിരെ വ്യാപക പ്രതിഷേധം

എൽഡിഎഫിലെ മൂന്നാമത്തെ വലിയ കക്ഷിയായ കേരള കോൺഗ്രസ് (എം) മുന്നണി ജോസ് കെ മാണി വിടുമെന്ന അഭ്യൂഹങ്ങൾ കഴിഞ്ഞ കുറച്ചു ദിവസങ്ങളായി സംസ്ഥാനത്തെ രാഷ്ട്രീയ കേന്ദ്രങ്ങളിൽ ശക്തമായിരുന്നു. സിപിഎം നേതൃത്വം അറിയാതെ അതീവ രഹസ്യമായാണ് യുഡിഎഫ് പ്രവേശനം ജോസ് കെ മാണി തീരുമാനിച്ചിരുന്നതെന്നാണ് റിപ്പോർട്ടുകൾ സൂചിപ്പിക്കുന്നത്. എന്നാൽ, മുന്നണി വിടുമെന്ന് ഉറപ്പായതോടെ വിഷയത്തിന്റെ ഗൗരവം മനസ്സിലാക്കിയ മുഖ്യമന്ത്രി തന്നെ നേരിട്ട് കളത്തിലിറങ്ങുകയായിരുന്നു.

ALSO READ: കൊച്ചിയിലെ കുപ്രസിദ്ധ ഗുണ്ടാ നേതാവ് പിടിയിലായ സംഭവം; സ്വർണം പൊട്ടിക്കൽ കേസിൽ തമിഴ്‌നാട് പൊലിസിന് കൈമാറാൻ ആലോചന

പാർട്ടി ചെയർമാൻ്റെ തീരുമാനത്തിനെതിരെ മന്ത്രി റോഷി അഗസ്റ്റിൻ ഉൾപ്പെടെയുള്ള പ്രമുഖ നേതാക്കളെ ഒപ്പം നിർത്താൻ മുഖ്യമന്ത്രിക്ക് സാധിച്ചു എന്നതാണ് ഈ നീക്കത്തിലെ നിർണ്ണായക ഘടകം. മുന്നണി വിടരുതെന്ന് റോഷി അഗസ്റ്റിനോട് മുഖ്യമന്ത്രി നേരിട്ട് ആവശ്യപ്പെടുകയും ചെയ്തു. റോഷി അഗസ്റ്റിൻ, പ്രമോദ് നാരായണൻ, പ്രൊഫ. എൻ. ജയരാജ് എന്നിവർ യുഡിഎഫിലേക്കില്ലെന്ന ഉറച്ച നിലപാടെടുത്തതോടെ ജോസ് കെ മാണി പാർട്ടിയിൽ ഒറ്റപ്പെട്ടു.

ALSO READ: മദ്രസയെന്ന് വ്യാജപ്രചാരണം; ആദിവാസി കുട്ടികൾക്ക് പഠിക്കാൻ 20 ലക്ഷം രൂപ കടം വാങ്ങി നിർമ്മിച്ച സ്കൂൾ ജില്ലാ ഭരണകൂടം പൊളിച്ചുനീക്കി

പാർട്ടിക്കുള്ളിൽ അഭിപ്രായ സമവായം ഉണ്ടാക്കാൻ കഴിയാതെ വന്നതോടെയാണ് മുന്നണി മാറ്റ നീക്കത്തിൽ നിന്ന് ജോസ് കെ മാണിക്ക് പിന്മാറേണ്ടി വന്നത്. ഇതോടെ തൽക്കാലം എൽഡിഎഫിൽ തന്നെ തുടരുമെന്ന് അദ്ദേഹം പ്രഖ്യാപിക്കുകയായിരുന്നു. തെരഞ്ഞെടുപ്പ് അടുത്തിരിക്കെ കേരള കോൺഗ്രസിലുണ്ടായ ഈ അസ്വാരസ്യങ്ങൾ എൽഡിഎഫിനും യുഡിഎഫിനും വരും ദിവസങ്ങളിൽ വലിയ ചർച്ചാവിഷയമാകും.

The "U-Turn" Speculation: Speculation grew after Jose K. Mani missed a high-profile LDF protest in Thiruvananthapuram, leading to rumors of secret talks with the UDF leadership.