കൊല്ലം: മുൻ എം.എൽ.എ ഐഷ പോറ്റി സി.പി.എം വിട്ട് കോൺഗ്രസിൽ ചേർന്നതിൽ വൈകാരിക പ്രതികരണവുമായി മന്ത്രി കെ.എൻ. ബാലഗോപാൽ. എന്തുകൊണ്ടെന്നാൽ കുടുംബത്തിലെ ഒരു ജ്യേഷ്ഠ സഹോദരിയെപ്പോലെ കണ്ട വ്യക്തിയാണ് ഐഷ പോറ്റിയെന്നും, അതേസമയം പ്രസ്ഥാനത്തെ തകർക്കാൻ ശ്രമിക്കുന്നവർക്കൊപ്പം അവർ ചേർന്നതിൽ അതീവ ദുഃഖമുണ്ടെന്നും അദ്ദേഹം പറഞ്ഞു.

ഐഷ പോറ്റി ഒരിക്കലും കോൺഗ്രസിൽ പോകാൻ പാടില്ലായിരുന്നു എന്നും മന്ത്രി കെ.എൻ. ബാലഗോപാൽ കൂട്ടിച്ചേർത്തു. എനിക്ക് വ്യക്തിപരമായി ആരോടും ദേഷ്യമില്ല, എന്നാൽ എടുത്ത തീരുമാനത്തിൽ അവർ പിന്നീട് വിഷമിക്കേണ്ടി വരും എന്നും ബാലഗോപാൽ പറ‍ഞ്ഞു.

ALSO READ: പശ്ചിമേഷ്യയിൽ ആശങ്ക: ഇന്ത്യൻ പൗരന്മാരെ തിരിച്ചെത്തിക്കാൻ അടിയന്തര നീക്കം; ആദ്യ സംഘം നാളെ എത്തിയേക്കുമെന്ന് സൂചന

അതേസമയം കേന്ദ്ര വിരുദ്ധ പോരാട്ടത്തിന്റെ ഭാഗമായി യു.ഡി.എഫ് സംഘടിപ്പിച്ച രാപ്പകൽ സമരവേദിയിലെത്തിയാണ് ഐഷ പോറ്റി കോൺഗ്രസ് അംഗത്വം സ്വീകരിച്ചത്. പ്രതിപക്ഷ നേതാവ് വി.ഡി സതീശൻ അവരെ പാർട്ടിയിലേക്ക് സ്വീകരിച്ചു. മൂന്ന് പതിറ്റാണ്ട് നീണ്ട സി.പി.എം ബന്ധം ഉപേക്ഷിച്ചാണ് ഐഷയുടെ ഈ മാറ്റം. വരാനിരിക്കുന്ന തെരഞ്ഞെടുപ്പിൽ കൊട്ടാരക്കരയിൽ ഐഷ പോറ്റി യു.ഡി.എഫ് സ്ഥാനാർഥിയായേക്കുമെന്നാണ് സൂചന. തിരുവനന്തപുരത്ത് വെച്ച് പ്രതിപക്ഷ നേതാവുമായി നടത്തിയ കൂടിക്കാഴ്ചയിൽ ഇതുസംബന്ധിച്ച ധാരണയായതായാണ് വിവരം.

ALSO READ: മഹാരാഷ്ട്രയിലെ കോർപ്പറേഷൻ തെരഞ്ഞെടുപ്പിൽ 'കൈവിട്ട കളി'; വിരലിൽ പുരട്ടുന്ന മായാത്ത മഷിക്ക് പകരം മാർക്കർ പേന; തെരഞ്ഞെടുപ്പ് കമ്മിഷനെതിരെ വ്യാപക പ്രതിഷേധം

എന്നാൽ തന്നെ 'വർഗ്ഗവഞ്ചകി' എന്ന് വിളിക്കുന്ന സി.പി.എം നേതാക്കൾക്ക് മറുപടി നൽകാൻ ഐഷ പോറ്റി മറന്നില്ല. മറ്റ് പാർട്ടികളിൽ നിന്നും സി.പി.എമ്മിലെത്തിയ സരിൻ, ശോഭന ജോർജ് എന്നിവരുടെ കാര്യം വിമർശകർ ഓർക്കണമെന്ന് അവർ പറഞ്ഞു. "കൂടുതൽ സ്വാതന്ത്ര്യത്തോടെ ഒരു ദേശീയ പ്രസ്ഥാനത്തിന്റെ ഭാഗമാകാൻ കഴിഞ്ഞതിൽ സന്തോഷമുണ്ട്. പഴയ സി.പി.എം ഇന്ന് നിലവിലില്ല എന്നും ഐഷ പോറ്റി തുറന്നടിച്ചു.

ALSO READ: മദ്രസയെന്ന വ്യാജപ്രചാരണം; ആദിവാസി കുട്ടികൾക്ക് പഠിക്കാൻ 20 ലക്ഷം രൂപ കടം വാങ്ങി നിർമ്മിച്ച സ്കൂൾ ജില്ലാ ഭരണകൂടം പൊളിച്ചുനീക്കി

ഐഷ പോറ്റിയുടെ നടപടി വഞ്ചനാപരമാണെന്നാണ് സി.പി.എം നേതാക്കളുടെ നിലപാട്. അവർക്ക് പാർട്ടി അർഹമായ പരിഗണന നൽകിയില്ല എന്ന വാദം തെറ്റാണെന്ന് സി.പി.എം പോളിറ്റ് ബ്യൂറോ അംഗം എം.എ. ബേബി പറഞ്ഞു. മൂന്ന് തവണ എം.എൽ.എയായും ജില്ലാ പഞ്ചായത്ത് പ്രസിഡന്റായും പാർട്ടി അവരെ ഉയർത്തിക്കൊണ്ടുവന്നു. പരാതികൾ ഉണ്ടെങ്കിൽ അത് പാർട്ടിക്കുള്ളിലായിരുന്നു ഉന്നയിക്കേണ്ടിയിരുന്നത്. ഈ തീരുമാനം അവർക്ക് പൊതുസമൂഹത്തിലുള്ള മതിപ്പ് കുറയ്ക്കുമെന്നും ബേബി പ്രതികരിച്ചു. അധികാരമില്ലാത്തപ്പോൾ പാർട്ടി വിടുന്നത് ഒരു കമ്മ്യൂണിസ്റ്റ് പ്രവർത്തകയ്ക്ക് ചേർന്നതല്ലെന്ന് സി.പി.എം കൊല്ലം ജില്ലാ കമ്മിറ്റിയും വിമർശിച്ചു.

The controversy began when a long-standing female leader (referred to by the Minister as an "elder sister" figure) decided to leave the CPI(M). Minister K. Radhakrishnan expressed his personal grief over the departure, using emotional language to describe the loss to the party's ranks.