പെരുമ്പാവൂര്‍: തണ്ടേക്കാട് ജമാഅത്ത് എച്ച്.എസില്‍ കൈത്താങ്ങ് പദ്ധതിയില്‍ പെടുത്തി ഓണം ബക്രീദ് ആഘോഷത്തിന് റ ഭാഗമായി 25 നിര്‍ധനരായ വിദ്യാര്‍ഥികള്‍ക്ക് പുതു വസ്ത്രങ്ങള്‍ നല്‍കി.
എം.എസ്.എം എന്ന സംഘടനയുമായി സഹകരിച്ച് പതിനേഴ് വിദ്യാര്‍ഥികള്‍ക്ക് ഈദ് കിസ്‌വനല്‍കി. അപകടത്തില്‍ പരിക്കേറ്റ വിദ്യാര്‍ഥിക്ക് ചികിത്സ സഹായത്തിനായി പതിനായിരം രൂപയും വിതരണം ചെയ്തു. പ്രധാന അധ്യാപകന്‍ വി.പി അബൂബക്കര്‍, എസ്.ആര്‍.ജി കണ്‍വീനര്‍ കെ.എ നൗഷാദ്, സ്റ്റാഫ് സെക്രട്ടറി സജീന കെ അലിയാര്‍, കെ.എം ഷാഹിര്‍, മുഹമ്മദ് റാഫി എന്നിവര്‍ നേതൃത്വം നല്‍കി.