കൊച്ചി: എറണാകുളം പ്രസ്‌ക്ലബിന്റെ ആഭിമുഖ്യത്തില്‍ ഓണാഘോഷം സംഘടിപ്പിച്ചു. ടി.ഡി റോഡിലെ എസ.്എസ് കലാമന്ദിറില്‍ നടന്ന ഓണാഘോഷം പ്രൊഫ. കെ.വി തോമസ് എം.പി ഉദ്ഘാടനം ചെയ്തു. ഹൈബി ഈഡന്‍ എം.എല്‍.എ, ജില്ലാ കലക്ടര്‍ മുഹമ്മദ്.വൈ.സഫറുള്ള എന്നിവര്‍ മുഖ്യാതിഥികളായിരുന്നു. ഗാന രചയിതാവ് കൈതപ്രം വിശ്വനാഥന്‍, നടന്‍ ഹരിശ്രീ അശോകന്‍, സംവിധായകന്‍ ജി എ രാജീവ്‌നാഥ്, എന്‍. വേണുഗോപാല്‍, സി.ജി രാജഗോപാല്‍, പ്രഭാകര്‍ നായിക്, അച്ചു അഷ്‌റഫ്, എം.വൈ. യൂസഫ്, രംഗദാസ പ്രഭു, കെ.കെ ഇബ്രാഹിംകുട്ടി, കെ.കെ ഷൈജു, ആര്‍.വി ബാബു, അജ്മല്‍ ഇസ്മയില്‍ തുടങ്ങിയവര്‍ പങ്കെടുത്തു.
ഓണാഘോഷത്തോടനുബന്ധിച്ച് നടത്തിയ പൂക്കള മത്സരത്തില്‍ ചന്ദ്രിക ദിനപത്രം ഒന്നാംസ്ഥാനവും ദേശാഭിമാനി രണ്ടാംസ്ഥാനവും നേടി. ഓണപ്പാട്ട് മത്സരത്തില്‍ റേഡിയോ മാംഗോയിലെ ജോസ് പീറ്റര്‍ ഒന്നാമതും സായാഹ്ന കൈരളിയിലെ റഫീഖ് രണ്ടാം സ്ഥാനവും നേടി. വടംവലി മത്സരത്തില്‍ മാതൃഭൂമി, ദീപിക ടീമുകള്‍ യഥാക്രമം ഒന്നും രണ്ടും സ്ഥാനങ്ങള്‍ നേടി.