ദുബൈ: ലോകത്തെ വിസ്മയിപ്പിക്കുന്ന ഗതാഗത പരിഷ്കാരങ്ങളുമായി ദുബൈ മുന്നോട്ട്. ഈ വർഷം അവസാനത്തോടെ എയർ ടാക്‌സി സേവനങ്ങൾ വാണിജ്യാടിസ്ഥാനത്തിൽ ആരംഭിക്കുമെന്നും 2026-ന്റെ തുടക്കത്തിൽ ഡ്രൈവറില്ലാ ടാക്‌സികൾ (Self-Driving Taxis) നിരത്തിലിറക്കുമെന്നും റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) മേധാവി മതാർ അൽ തായർ പ്രഖ്യാപിച്ചു.

ലോക ഗവൺമെന്റ് ഉച്ചകോടിയിലാണ് അദ്ദേഹത്തിന്റെ പ്രഖ്യാപനം. എയർ ടാക്‌സികൾക്കായി നഗരത്തിൽ നിർമ്മിക്കുന്ന പ്രത്യേക സ്കൈപോർട്ടുകളുടെയും മറ്റ് അടിസ്ഥാന സൗകര്യങ്ങളുടെയും പണികൾ ഈ വർഷം അവസാനത്തോടെ പൂർത്തിയാകും.

ALSO READ: ഡ്രൈവിം​ഗിനിടെ മൊബൈൽ ഫോൺ ഉപയോ​ഗിച്ചു: റോഡിലെ ഡിവൈഡറുകൾ ഇടിച്ചുതെറിപ്പിച്ച് കാർ; മുന്നറിയിപ്പുമായി ഷാർജ പൊലിസ് 

ഗതാഗതക്കുരുക്കിൽപ്പെടാതെ നഗരത്തിനുള്ളിലെ യാത്ര വേഗത്തിലാക്കാൻ എയർ ടാക്‌സികൾ സഹായിക്കും. വെറുമൊരു പദ്ധതിയെന്നതിലുപരി ഇത് പ്രായോഗിക ഘട്ടത്തിലേക്ക് നീങ്ങിക്കഴിഞ്ഞുവെന്നും ആഗോള വിദഗ്ധരുടെ സഹായത്തോടെ പദ്ധതി കുറ്റമറ്റ രീതിയിൽ പരിഷ്കരിച്ചതായും ആർടിഎ ഡയറക്ടർ ജനറൽ സ്ഥിരീകരിച്ചു.

2026-ന്റെ ആദ്യ പാദത്തിൽ തന്നെ ദുബൈയിലെ റോഡുകളിൽ ഡ്രൈവറില്ലാ ടാക്‌സികൾ ഓടിത്തുടങ്ങും. ഇതിനായുള്ള കമാൻഡ് ആൻഡ് കൺട്രോൾ സെന്റർ ഇതിനകം തന്നെ സജ്ജമാക്കിയിട്ടുണ്ട്. ദുബൈ കിരീടാവകാശി ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന്റെ നിർദ്ദേശപ്രകാരം വളരെ വേഗത്തിലാണ് ഈ പദ്ധതി നടപ്പിലാക്കുന്നത്.

ALSO READ: മറ്റൊരു യുവതിയെ വാക്കുകൾകൊണ്ട് മുറിവേൽപ്പിച്ചു; പ്രതിയായ സ്ത്രീയ്ക്ക് 10,000 ദിർഹം പിഴ ചുമത്തി അബൂദബി കോടതി 

ചൈനീസ് കമ്പനിയായ ബൈഡു ഉൾപ്പെടെയുള്ള ആഗോള സാങ്കേതിക പങ്കാളികളുമായി സഹകരിച്ചാണ് ഈ പദ്ധതി പൂർത്തിയാക്കുന്നത്.

"ഞങ്ങൾ പറയുന്നത് ചെയ്തിരിക്കും, ചെയ്യാനാകുന്നത് മാത്രമേ പറയാറുമുള്ളൂ," എന്നായിരുന്നു ദുബൈയുടെ പ്രവർത്തന ശൈലിയെക്കുറിച്ച് അൽ തായർ പറഞ്ഞത്. ശക്തമായ അടിസ്ഥാന സൗകര്യങ്ങൾ ഉണ്ടെങ്കിൽ മാത്രമേ നിക്ഷേപകരെ ആകർഷിക്കാനും സാമ്പത്തിക വളർച്ച കൈവരിക്കാനും സാധിക്കൂ എന്നും അദ്ദേഹം കൂട്ടിച്ചേർത്തു.

ഓഫീസുകളിൽ നിന്നും മെട്രോ സ്റ്റേഷനുകളിൽ നിന്നും വീടുകളിലേക്കുള്ള യാത്ര എളുപ്പമാക്കുന്ന 'ഫസ്റ്റ് ആൻഡ് ലാസ്റ്റ് മൈൽ' കണക്റ്റിവിറ്റിക്കും ആർടിഎ വലിയ പ്രാധാന്യം നൽകുന്നുണ്ട്.

dubai roads and transport authority (rta) director general matar al tayer announced at the world government summit that air taxi services will launch by late 2026. the project aims to reduce traffic congestion and provide a premium travel experience, followed by the rollout of self-driving taxis in early 2026.