തിരുവനന്തപുരം: തദ്ദേശ തെരഞ്ഞെടുപ്പിലെ തിരിച്ചടിക്ക് പിന്നാലെ ജനമനസ്സ് വീണ്ടെടുക്കാന്‍ ഗൃഹസന്ദര്‍ശനത്തിനിറങ്ങുന്ന നേതാക്കള്‍ക്കും പ്രവര്‍ത്തകര്‍ക്കും കര്‍ശന നിര്‍ദേശങ്ങളുമായി സിപിഐഎം. ജനങ്ങളുമായി തര്‍ക്കിക്കാനോ അവരുടെ വാക്കുകള്‍ക്കിടയില്‍ കയറി സംസാരിക്കാനോ പാടില്ലെന്നാണ് പാര്‍ട്ടിയുടെ പ്രധാന നിര്‍ദേശം. ജനുവരി 15 മുതല്‍ 25 വരെ നീണ്ടുനില്‍ക്കുന്ന ഗൃഹസമ്പര്‍ക്ക പരിപാടിയില്‍ പാലിക്കേണ്ട പെരുമാറ്റച്ചട്ടം പാര്‍ട്ടി പുറത്തിറക്കി.

വീടിനുള്ളിലിരുന്ന് കുടുംബാംഗങ്ങളുമായി സൗഹൃദപരമായ ചര്‍ച്ചകള്‍ക്കാണ് മുന്‍ഗണന നല്‍കേണ്ടത്. വിമര്‍ശനങ്ങളെ ക്ഷമയോടെ കേള്‍ക്കണമെന്നും ഇടഞ്ഞുനില്‍ക്കുന്ന മുന്‍ സഖാക്കളെ നേരില്‍ കണ്ട് സംസാരിക്കണമെന്നും പാര്‍ട്ടി നിര്‍ദേശിക്കുന്നു. വര്‍ഗീയ സംഘടനകളെ വിമര്‍ശിക്കുന്നത് മതവിദ്വേഷമല്ലെന്ന് ജനങ്ങളെ ബോധ്യപ്പെടുത്താനും ആര്‍എസ്എസ്, ജമാഅത്തെ ഇസ്്‌ലാമി, ലീഗ്, കാസ തുടങ്ങിയ സംഘടനകളെക്കുറിച്ചുള്ള പാര്‍ട്ടിയുടെ നിലപാട് വ്യക്തമാക്കാനും സ്‌ക്വാഡുകള്‍ക്ക് നിര്‍ദേശമുണ്ട്.

ALSO READ: ബലാത്സംഗ കേസ്; രാഹുൽ മാങ്കൂട്ടത്തിലിന്റെ ജാമ്യാപേക്ഷയിൽ ഇന്ന് വിധി പറയും

Following the setback in local body elections, the CPI(M) has issued strict guidelines for its house-to-house outreach programme, instructing leaders and workers to engage politely with families, patiently listen to criticism, and avoid arguments while clearly explaining the party’s stand on various organisations.