തൃശൂര്‍:  സംസ്ഥാന സ്‌കൂള്‍കലോത്സവ ചരിത്രത്തില്‍ പുതിയൊരു അധ്യായം കുറിച്ചിരിക്കുകയാണ് സിയ ഫാത്തിമ. വാസ്‌കുലൈറ്റിസെന്ന ഗുരുതര രോഗം ബാധിച്ചതിനെ തുടര്‍ന്ന് കാസര്‍കോട്ടെ വീട്ടിലിരുന്ന് ഓണ്‍ലൈനായി അറബിക് പോസ്റ്റര്‍ നിര്‍മാണ മത്സരത്തില്‍ പങ്കെ
ടുത്ത സിയയ്ക്ക് ലഭിച്ചത് എ ഗ്രേഡ്. 

ഇന്നലെ രാവിലെ 11.25 ന് തുടങ്ങിയ മത്സരത്തില്‍ കാസര്‍കോട് നിന്ന് സിയ ഫാത്തിമ ഓണ്‍ലൈനായാണ് പങ്കെടുത്തത്. വിദ്യാഭ്യാസ ഡയരക്ടറാണ് സിയയുടെ നമ്പര്‍ തെരഞ്ഞെടുത്തത്. നമ്പര്‍: 912. ബുക്ഫെയര്‍ എന്നതായിരുന്നു വിഷയം.  

വാസ്‌കുലൈറ്റിസ് എന്ന രക്തകുഴലുകള്‍ ചുരുങ്ങുന്ന രോഗാവസ്ഥയില്‍ സിയയ്ക്ക് യാത്രാബുദ്ധിമുട്ടുണ്ടായതിനാലാണ് ഓണ്‍ലൈനില്‍ മത്സരിക്കാന്‍ അപൂര്‍വ ഉത്തരവിറങ്ങിയത്. കാസര്‍കോട് പടന്ന എം.എം.ആര്‍.വി.എച്ച്.എസ്.എസിലെ 10 ാം ക്ലാസ് വിദ്യാര്‍ഥിയാണ് സിയ. 

ALSO READ: 'വീട്ടിലെത്താറായി അമ്മേ'; അവളുടെ അവസാനവാക്കുകള്‍, പിന്നെ ആരും കണ്ടില്ല, പൊലിസിനെ വട്ടംചുറ്റിച്ച് 16കാരന്റെ മൊഴികള്‍

കലോത്സവത്തില്‍ ഹൈസ്‌കൂള്‍ അറബിക് പോസ്റ്റര്‍ ഡിസൈനിങ്ങില്‍ പങ്കെടുക്കാന്‍ ആഗ്രഹമുണ്ടെന്നു പറഞ്ഞ് മന്ത്രി വി.ശിവന്‍കുട്ടിക്ക് സിയ അയച്ച വാട്സ് ആപ് സന്ദേശമാണ് വഴിത്തിരിവായത്. വീട്ടില്‍ ക്വാറന്റൈനിലാണ് സിയ. യാത്ര ചെയ്യുന്നത് സിയയുടെ ജീവന് ഭീഷണിയായേക്കാം എന്ന ഡോക്ടര്‍മാരുടെ നിലപാടിനെ തുടര്‍ന്ന് തൃശൂരിലെ വേദിയിലെത്താന്‍ കഴിയുമായിരുന്നില്ല. 

സി.എം.എസ്.എച്ച്.എസ്.എസിലെ വേദി 17ല്‍ നടന്ന അറബിക് പോസ്റ്റര്‍ ഡിസൈിങ് മത്സരത്തില്‍ സിയ ഫാത്തിമയുടെ രചന വിധികര്‍ത്താക്കള്‍ ഓണ്‍ലൈനായി നിരീക്ഷിച്ചു. കൈറ്റിനാണ് സംഘാടന ചുമതല. 

അറബിക് പോസ്റ്റര്‍ ഡിസൈനിങില്‍ ഉപജില്ലയിലും ജില്ലയിലും നേരിട്ടാണ് സിയ മത്സരിച്ചത്. എന്നാല്‍, യാത്ര ചെയ്യുന്നത് ജീവന് തന്നെ ഭീഷണിയായേക്കാം എന്ന ഡോക്ടര്‍മാരുടെ കര്‍ശന നിര്‍ദ്ദേശമുള്ളതിനാലാണ് തൃശൂരിലേക്ക് എത്താന്‍ കഴിയാതെപോയത്.  സിയാ ഫാത്തിമയുടെ സങ്കടം നിറഞ്ഞ സന്ദേശവും സ്‌കൂള്‍ അധികൃതരുടെ അപേക്ഷയും ശ്രദ്ധയില്‍പ്പെട്ടതിനെ തുടര്‍ന്ന് കുട്ടിയുടെ സങ്കടം കാണാതിരിക്കാന്‍ കഴിയില്ലെന്ന് വിദ്യഭ്യാസ മന്ത്രി പറഞ്ഞു. മന്ത്രിയടെ ഇടപെടലില്‍ വിദ്യാഭ്യാസ വകുപ്പ് ഡയരക്ടര്‍ ജനറല്‍ സിയാ ഫാത്തിമയെയും, സ്‌കൂള്‍ അധികൃതരെയും മത്സരത്തിന് പങ്കെടുക്കാനുള്ള അനുമതി നല്‍കുന്നതായി അറിയിക്കുകയായിരുന്നു. 

Sia Fathima has created history at the Kerala State School Kalolsavam by participating online and securing an A grade in the Arabic poster design competition. Suffering from vasculitis, a serious medical condition that restricts blood vessels and makes travel life-threatening, the Class 10 student from MMRVHSS, Padanna in Kasaragod, was unable to attend the festival venue in Thrissur.