ഇറ്റാനഗർ: അരുണാചൽ പ്രദേശിലെ തവാങ്ങിലുണ്ടായ ദാരുണമായ അപകടത്തിൽ രണ്ട് മലയാളികൾ മരിച്ച സംഭവത്തിൽ കാണാതായ ഒരാളുടെ മൃതദേഹം കൂടി കണ്ടെടുത്തു.  മലപ്പുറം സ്വദേശി മാധവ് മധുവിന്റെ മൃതദേ​ഹമാണ് കണ്ടെത്തിയത്. തണുത്തുറഞ്ഞ തടാകത്തിന് മുകളിലൂടെ നടക്കുന്നതിനിടെ മഞ്ഞുപാളി തകർന്ന് താഴേക്ക് വീണാണ് അപകടമുണ്ടായത്.

ALSO READ: മുണ്ടക്കൈ-ചൂരൽമല ദുരിതബാധിതർക്ക് ആശ്വാസം: പുനരധിവാസം പൂർത്തിയാകും വരെ പ്രതിമാസ ധനസഹായം തുടരാൻ സർക്കാർ തീരുമാനം

അപകടത്തിൽപ്പെട്ട മാധവ് മധുവിന്റെ മൃതദേഹം ഇന്ന് നടത്തിയ തിരച്ചിലിലാണ് കണ്ടെത്തിയത്. ഒപ്പമുണ്ടായിരുന്ന കൊല്ലം സ്വദേശി ബിനു പ്രകാശിന്റെ മ‍ൃതദേ​ഹം ഇന്നലെ തന്നെ കണ്ടെടുത്തിരുന്നു. സേന പോയിന്റിലെ തണുത്തുറഞ്ഞ തടാകത്തിന് സമീപമായിരുന്നു അപകടം നടന്നത്. ഏഴംഗ മലയാളി സംഘമാണ് തവാങ്ങിൽ സന്ദർശനത്തിന് എത്തിയത്.

ALSO READ: പച്ചമീനിന്റെ പിത്താശയം വിഴുങ്ങി; മൈഗ്രെയ്ൻ മാറ്റാൻ പോയ വീട്ടമ്മ ഐസിയുവിൽ

തടാകത്തിന് മുകളിൽ ഐസ് കട്ടികൂടിയ ഭാഗമാണെന്ന് കരുതി നടന്നു നീങ്ങുന്നതിനിടെ അപ്രതീക്ഷിതമായി മഞ്ഞുപാളി തകരുകയായിരുന്നു. സംഘത്തിലുണ്ടായിരുന്ന മറ്റ് അഞ്ച് പേർ അത്ഭുതകരമായി രക്ഷപ്പെട്ടു.

നിലവിൽ മൃതദേഹങ്ങൾ ആശുപത്രിയിലേക്ക് മാറ്റിയിരിക്കുകയാണ്. പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹങ്ങൾ വിമാനമാർഗ്ഗം നാട്ടിലെത്തിക്കാനുള്ള ശ്രമങ്ങൾ നടന്നുവരികയാണെന്ന് അധികൃതർ അറിയിച്ചു.

two tourists from kerala, dinu (26) from kollam and mahadev (24) from malappuram, tragically drowned in sela lake, arunachal pradesh, on friday. the accident occurred when they stepped onto the frozen surface of the high-altitude lake, and the thin ice gave way.