അബൂദബി: അബൂദബി ഹംദാന്‍ സ്ട്രീറ്റില്‍ മലബാര്‍ ഗോള്‍ഡ് & ഡയമണ്ട്‌സ് പുതിയ കണ്‍സെപ്റ്റ് ഷോറൂം നാളെ വൈകിട്ട് 6.30ന് ബോളിവുഡ് നടിയും മലബാര്‍ ഗോള്‍ഡ് & ഡയമണ്ട്‌സിന്റെ ബ്രാന്‍ഡ് അംബാസഡറുമായ കരീന കപൂര്‍ ഖാന്‍ ഔദ്യോഗികമായി ഉദ്ഘാടനം ചെയ്യും. ഹംദാന്‍ സ്ട്രീറ്റിലെ മലബാര്‍ ഗോള്‍ഡ് & ഡയമണ്ട്‌സിന്റെ മൂന്നാമത്തെ ഷോറൂമും അബൂദബിയിലെ 17ാമത്തെ ഷോറൂമുമായി ഇത് മാറും. 4,000ത്തിലധികം ചതുരശ്ര അടി വിസ്തീര്‍ണ്ണത്തില്‍ വ്യാപിച്ചു കിടക്കുന്ന ഈ ഷോറൂം 30,000ത്തിലധികം ആഭരണ ഡിസൈനുകളും ലഭ്യമാണ്.
അബൂദബിയിലെ ഞങ്ങളുടെ ഉപഭോക്താക്കളെയും ആഭരണ പ്രേമികളെയും ഹംദാന്‍ സ്ട്രീറ്റിലെ പുതിയ ഷോറൂമിലെ ഈ പ്രത്യേക ആഘോഷത്തിന്റെ ഭാഗമാകാന്‍ ഞങ്ങള്‍ സ്‌നേഹപൂര്‍വം ക്ഷണിക്കുന്നുവെന്ന് ഇന്റര്‍നാഷനല്‍ ഓപറേഷന്‍സ് എം.ഡി ഷംലാല്‍ അഹമ്മദ് പറഞ്ഞു. കരീന കപൂര്‍ ഖാന്റെ സാന്നിധ്യവും നിരവധി ക്യൂറേറ്റഡ് അനുഭവങ്ങളും ഉള്ളതിനാല്‍, അബൂദബിയിലെ പ്രിയപ്പെട്ട ആഭരണ റീട്ടെയിലര്‍ എന്ന നിലയില്‍ മലബാര്‍ ഗോള്‍ഡ് & ഡയമണ്ട്‌സിന്റെ സ്ഥാനം കൂടുതല്‍ ശക്തിപ്പെടുത്തുന്ന ചാരുത, ആഡംബരം, കാലാതീതമായ കലാവൈഭവം എന്നിവയുടെ തിളക്കമാര്‍ന്ന ആഘോഷമായിരിക്കും ഇതെന്നും അദ്ദേഹം വ്യക്തമാക്കി.