ദുബൈ: രാജ്യത്തെ കുടുംബ ഭദ്രതയും തൊഴിൽ-ജീവിത സന്തുലിതാവസ്ഥയും മെച്ചപ്പെടുത്തുന്നതിനായി വിപ്ലവകരമായ മാറ്റങ്ങൾക്കൊരുങ്ങി യുഎഇ. പത്ത് വയസ്സിന് താഴെയുള്ള കുട്ടികളുള്ള അമ്മമാർക്കും പ്രായമായ മാതാപിതാക്കളെ പരിചരിക്കുന്നവർക്കും റിമോട്ട് വർക്ക് (Remote Work), ഫ്ലെക്സിബിൾ ജോലി സമയക്രമം എന്നിവ അനുവദിക്കണമെന്ന നിർദ്ദേശം ഫെഡറൽ നാഷണൽ കൗൺസിൽ (FNC) മുന്നോട്ടുവെച്ചു. ജനുവരി 21 ബുധനാഴ്ച നടന്ന സെഷനിലാണ് സാമൂഹിക സുരക്ഷ മുൻനിർത്തിയുള്ള ഈ നിർണ്ണായക നീക്കം.

കുട്ടികളുടെ വളർച്ചയുടെ ആദ്യഘട്ടങ്ങളിൽ അമ്മമാരുടെ സാന്നിധ്യം ഉറപ്പാക്കേണ്ടത് അനിവാര്യമാണെന്ന് എഫ്എൻസി ഡെപ്യൂട്ടി സ്പീക്കർ മറിയം മജിദ് ബിൻ താനിയ വ്യക്തമാക്കി. പ്രധാനമായും പത്ത് വയസ്സിന് താഴെയുള്ള കുട്ടികളുള്ള അമ്മമാർ, പ്രായമായ മാതാപിതാക്കളെ പരിചരിക്കുന്ന സ്ത്രീകൾ, ഭിന്നശേഷിക്കാർ (People of Determination), പ്രത്യേക പരിഗണന അർഹിക്കുന്ന മാനുഷിക കേസുകൾ എന്നീ വിഭാഗങ്ങൾക്കാണ് വിദൂര ജോലിയിൽ മുൻഗണന നൽകാൻ ശുപാർശ ചെയ്തിരിക്കുന്നത്:

വിദൂര ജോലിക്ക് പുറമെ, സർക്കാർ മേഖലയിലെ പ്രസവാവധി നീട്ടണമെന്ന ആവശ്യവും കൗൺസിൽ ഉന്നയിച്ചു. നിലവിലെ അവധി ആഗോള നിലവാരത്തിലേക്ക് ഉയർത്തിക്കൊണ്ട്, പൂർണ്ണ ശമ്പളത്തോടു കൂടിയ കുറഞ്ഞത് 98 ദിവസത്തെ പ്രസവാവധി അനുവദിക്കണമെന്നാണ് പ്രധാന ശുപാർശ.

ALSO READ: ലണ്ടനും പാരീസും വിട്ട് ലോകത്തെ അതിസമ്പന്നര്‍ ദുബൈയിലേക്ക്; യുഎഇ ലോകത്തിന്റെ 'വെല്‍ത്ത് ഹബ്ബ്' ആകുന്നതിന് പിന്നിലെ 8 കാരണങ്ങള്‍ 

സ്ത്രീകളുടെ ഔദ്യോഗിക ഉത്തരവാദിത്തങ്ങൾ ദേശീയ വികസനത്തിന് അത്യാവശ്യമാണെങ്കിലും, അത് കുടുംബ ജീവിതത്തെ ബാധിക്കാത്ത രീതിയിലുള്ള നയങ്ങളാണ് രാജ്യം ലക്ഷ്യമിടുന്നത്. "ഒരു സ്ത്രീയുടെ ജോലിയും വീടും തമ്മിലുള്ള സന്തുലിതാവസ്ഥ പ്രധാനമാണ്. ഓഫീസിലിരുന്നായാലും വീട്ടിലിരുന്നായാലും രാജ്യത്തിന്റെ വികസനത്തിൽ സ്ത്രീകൾക്ക് തുല്യ പങ്കുണ്ട്," മറിയം മജിദ് ബിൻ താനിയ കൂട്ടിച്ചേർത്തു.

ശുപാർശകൾ നടപ്പിലാക്കുന്നതോടെ യുഎഇയിലെ പ്രവാസി മലയാളികൾ ഉൾപ്പെടെയുള്ള ആയിരക്കണക്കിന് സ്ത്രീകൾക്ക് വലിയ തൊഴിൽ സുരക്ഷയും മാനസികാശ്വാസവും ലഭിക്കും. ഇത് പൊതു-സ്വകാര്യ മേഖലകൾക്ക് ബാധകമാണോ എന്ന കാര്യത്തിൽ വരും ദിവസങ്ങളിൽ കൂടുതൽ വ്യക്തത വരും.

uae announces major labour reforms offering work from home options for working mothers and extending maternity leave to ninety eight days aiming to boost workforce participation family wellbeing gender equity productivity and flexible employment across public and private sectors nationwide