തിരുവനന്തപുരം: കെഎസ്ആർടിസി ബസുകളിൽ ഭക്ഷണം വിതരണം ചെയ്യാനുള്ള പദ്ധതി നടപ്പിക്കുമെന്ന് ഗതാഗത മന്ത്രി കെ.ബി ഗണേഷ് കുമാർ. ഇന്ത്യൻ-അറേബ്യൻ ഫാസ്റ്റ് ഫുഡ് റെസ്റ്റോറന്റ് ശൃംഖലയായ ചിക്കിങ്ങുമായി (Chicking) സഹകരിച്ചാണ് പദ്ധതി നടപ്പിലാക്കുന്നത്. ക്യുആർ കോഡ് സ്കാൻ ചെയ്ത് ഭക്ഷണം ഓർഡർ ചെയ്യാം. നിശ്ചിത സ്ഥലത്ത് എത്തുമ്പോൾ ബസ്സിനുള്ളിൽ ഭക്ഷണം വിതരണം ചെയ്യും. വോൾവോ, എയർ കണ്ടീഷൻ ബസുകളിൽ ആരംഭിക്കുന്ന പദ്ധതി നാളെ മുതൽ തുടങ്ങുമെന്ന് കെഎസ്ആർടിസി അറിയിച്ചു

അഞ്ച് ബജറ്റ് ടൂറിസം വാഹനങ്ങളിലാണ് പദ്ധതി നടപ്പിലാക്കുകയെന്നും ഗണേഷ് കുമാർ അറിയിച്ചു. ആദ്യം ഘട്ടത്തിൽ അഞ്ച് വോൾവോ ബസുകളിലാകും പദ്ധതി നടപ്പിലാക്കുക. ബംഗളുരുവിലേക്കുള്ള ബസുകളിലാണ് പദ്ധതി ആസ്വദിക്കാനാവുക. ടെക്നോപാർക്കിൽ നിന്നാരംഭിക്കുന്ന ആഴ്ചയിലുള്ള പുതിയ ബസിലും ഭക്ഷണം ലഭ്യമാക്കും.

ALSO READ: മുൻനിര വ്യാവസായിക ശക്തിയാകാൻ ഒരുങ്ങി സഊദി അറേബ്യ; വേൾഡ് ഇക്കണോമിക് ഫോറവുമായി കരാറിൽ ഒപ്പിട്ടു

ആദ്യമായാണ് ഒരു സ്വകാര്യ കമ്പനിയുമായി പദ്ധതിയിൽ കെഎസ്ആർടിസി ഏർപ്പെടുന്നത്. ഇതോടെ യാത്രക്കാർക്ക് ഒരേസമയം ഇന്ത്യൻ ഭക്ഷണവും കേരളത്തിൽ ഏറെ പ്രിയം നേടിയ അറേബ്യൻ ഭക്ഷണങ്ങളും വേഗത്തിൽ ലഭിക്കും. ചിക്കിങ്ങിന്റെ മാസ്റ്റർ പീസായ, ബ്രോസ്റ്റഡ് ചിക്കനും യാത്രക്കാർക്ക് ലഭ്യമാകും.