കുവൈത്ത് സിറ്റി: കുവൈത്തിൽ 1,39,919 ക്യാപ്റ്റഗൺ ഗുളികകൾ കൈവശം വെച്ചെന്ന കേസിൽ അഞ്ച് വർഷം തടവിന് ശിക്ഷിക്കപ്പെട്ടിരുന്ന പ്രതിയെ കുവൈത്ത് കാസേഷൻ കോടതി കുറ്റവിമുക്തനാക്കി. അപ്പീൽ കോടതിയുടെ വിധി റദ്ദാക്കിയാണ് കോടതി നടപടി സ്വീകരിച്ചത്.

കേസിൽ വെറും മൊഴികളുടെ അടിസ്ഥാനത്തിലാണ് കുറ്റാരോപിതനെതിരെ ശിക്ഷ വിധിച്ചതെന്നും നേരിട്ട യാതൊരു തെളിവുകളും ഇല്ലെന്നും പ്രതിയുടെ അഭിഭാഷകൻ ബഷാർ അൽ നസ്സാർ കോടതിയിൽ വാദിച്ചു. 

റിപോർട്ടനുസരിച്ച്, ഒന്നാം പ്രതിയുടെ അറസ്റ്റിന് പിന്നാലെ നടത്തിയ അന്വേഷണത്തിലാണ് ഫാമിലെ ഒരു മുറിയിൽ നിന്ന് നിരോധിത ലഹരിമരുന്നുകൾ കണ്ടെത്തിയത്. രണ്ടാം പ്രതി തന്റെ മുറിയിൽ നിന്ന് പിടിച്ചെടുത്ത വെളുത്ത പദാർത്ഥം വ്യക്തിഗത ഉപയോഗത്തിനുള്ളതാണെന്ന് സമ്മതിച്ചിരുന്നു. എന്നാൽ മൂന്നാം പ്രതിക്കെതിരെ നേരിട്ടോ പരോക്ഷമായോ കുറ്റം തെളിയിക്കുന്ന തെളിവുകളില്ലെന്നു കോടതി കണ്ടെത്തി.

കൃത്യമായ തെളിവുകൾ ഇല്ലാത്ത സാഹചര്യത്തിൽ ശിക്ഷ നിലനിൽക്കില്ലെന്ന്  കോടതി വ്യക്തമാക്കി. ഇതോടെയാണ് മൂന്നാം പ്രതിയെ പൂർണമായും കുറ്റവിമുക്തനാക്കിയത്.

Kuwait’s Court of Cassation overturned a five-year prison sentence and acquitted a defendant in a case involving 139,919 Captagon pills, citing lack of evidence and reliance solely on co-defendants’ confessions without corroboration.